Пекін паставіў новую мэту на новы год - стаць горадам музыкі, перадае “Жэньмінь жыбаа” анлайн”.
Да 2025 года кітайская сталіца павінна стаць "міжнароднай сталіцай музыкі" і "глабальным цэнтрам музыкі носьбітаў кітайскай мовы", а яе даходы ў музычнай вобласці і адпаведных індустрыях дасягнуць 120 млрд юаняў (каля 17,2 млрд долараў). Пра гэта гаворыцца ў дакументах, апублікаваных Пекінскім муніцыпальным упраўленнем па будаўніцтве нацыянальнага культурнага цэнтра.
У Пекіне будзе створаны цэлы шэраг музычных паркаў. Акрамя таго, з дапамогай субсідый будзе заахвочвацца развіццё арыгінальных твораў кітайскай музыкі і музычных брэндаў. Па словах прадстаўнікоў упраўлення, у сталіцы будуць збудаваныя пляцоўкі для "жывой" музыкі і "музычныя мястэчкі" для стварэння адпаведнай атмасферы. Таксама адзначаецца, што Пекін створыць спецыяльны фонд для развіцця гэтай індустрыі.
Прэв’ю: news.rambler.ru
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
