XI раённы агляд-конкурс дзіцячай творчасці "Прыбяседскія зорачкі" пройдзе ў Касцюковічах 1 лютага, паведамілі БЕЛТА ў Магілёўскім аблвыканкаме.
У конкурсе прымуць удзел выхаванцы дашкольных устаноў, навучэнцы школ горада і раёна, вучні дзіцячых школ мастацтваў, удзельнікі музычных студый, гурткоў мастацкай самадзейнасці і выхаванцы Касцюковіцкага раённага цэнтра дзіцячай творчасці.
Агляд-конкурс будзе праходзіць па чатырох узроставых катэгорыях ад 6 да 16 гадоў. Дзеці і падлеткі будуць спаборнічаць у вакальным і інструментальным выканальніцтве, харэаграфічным, выяўленчым і дэкаратыўна-прыкладным мастацтвах.
Журы будзе ацэньваць майстэрства выканання, змест і тэматыку выбраных твораў, сцэнічную культуру і касцюмы юных талентаў Касцюковіцкага раёна.
Пройдзе агляд-конкурс на сцэне раённага цэнтра культуры.
Прэв'ю: wdoxnovenie.ru
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.