У Беларусі з 1 лютага пераглядаецца памер дзіцячых дапамог і некаторых іншых сацыяльных выплат у сувязі з павелічэннем бюджэту пражытачнага мінімуму (БПМ), паведамілі БЕЛТА ў Міністэрстве працы і сацыяльнай абароны.
Пастановай Мінпрацы і сацабароны ад 22 студзеня 2020 года №6 БПМ з 1 лютага ў разліку на месяц устаноўлены ў памеры Br239,87. БПМ павысіўся на 3,5% у параўнанні з нарматывам, дзеючым з 1 лістапада 2019 па 31 студзеня 2020 года, адпаведна павялічваюцца і сацыяльныя выплаты, у тым ліку дзярждапамогі сем'ям, якія выхоўваюць дзяцей.
Так, аднаразовая дапамога пры нараджэнні першага дзіцяці зараз складае Br2398,7, пры нараджэнні другога і наступных дзяцей - Br3358,18.
Аднаразовую дапамогу жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці, з лютага будзе выплачвацца ў памеры Br239,87, дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да трох гадоў (штомесячная) - у памеры Br119,94.
Штомесячная дапамога сем'ям на дзяцей, старэйшых за 3 гады, з асобных катэгорый сем'яў, якiя вызначаюцца заканадаўствам: на дзіця-інваліда - Br167,91, на іншых дзяцей у сям'і - Br119,94. Штомесячная дапамога па доглядзе дзіця-інваліда ва ўзросце да 18 гадоў складае Br239,87 (з I і II ступенню страты здароўя і з III і IV ступенню страты здароўя да спаўнення дзіцяці ўзросту 3 гадоў) і Br287,84 (з III і IV ступенню страты здароўя пасля спаўнення ўзросту 3 гадоў); штомесячная дапамога на дзіця ва ўзросце да 18 гадоў, інфікаванага ВІЧ, - Br167,91.
Акрамя таго, з 1 лютага вырастуць дзяржаўныя дапамогі сем'ям, якія выхоўваюць дзяцей ва ўзросце да 3 гадоў (штомесячныя) - у сувязі з ростам сярэднямесячнай заработнай платы работнікаў у рэспубліцы за папярэдні квартал. На першае дзіця дапамога вырасце да Br405,48, на другога і наступных - да Br429,84, на дзіця-інваліда - да Br521,33. Гэтыя памеры дапамогі па догляду дзіцяці ва ўзросце да 3 гадоў будуць дзейнічаць да 31 ліпеня бягучага года ўключна.
Прэв'ю: telegraf.com.ua
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
