Вы тут

Жыхара Мар'інай Горкі забілі і скінулі яго труп у раку


Жыхара Мар'інай Горкі забілі і скінулі труп у раку, следчыя шукаюць абставіны здарэння. Пра гэта паведаміла БЕЛТА афіцыйны прадстаўнік УСК па Мінскай вобласці Таццяна Беланог.


Фота УСК па Мінскай вобласці

Жыхар Мар'інай Горкі 24 студзеня звярнуўся ў міліцыю з заявай аб знікненні 31-гадовага сына. "Былі атрыманы звесткі аб крымінальным характары таго, што здарылася. Падчас аглядаў следча-аператыўнай групай з удзелам эксперта-біёлага ДКСЭ выяўлены схаваныя біялагічныя сляды, якія паказваюць на тое, што мужчына стаў ахвярай забойства", - праінфармавала Таццяна Беланог.

У выніку сумеснай працы праваахоўных органаў затрыманыя тры жыхары Мар'інай Горкі: двое сужыцеляў, 33-гадовы мужчына і 36-гадовая жанчына, і іх 23-гадовы знаёмы. "Следчым упраўленнем УСК па Мінскай вобласці распачата крымінальная справа па п.15 ч.2 арт.139 КК (забойства, здзейсненае групай асоб)", - паведаміла Тацяна Беланогая.

Згодна з матэрыяламі справы, злачынства адбылося 21 студзеня ў кватэры ў сужыцеляў. "Падчас сваркі на глебе асабістых непрыязных адносін пацярпеламу былі прычынены цялесныя пашкоджанні, ад якіх ён памёр. Яго цела было скінута ў раку", - распавяла Таццяна Беланог.

Праваахоўнікі з вадалазамі МНС, ТРВАД і валанцёрамі з адмысловым абсталяваннем і тэхнікай некалькі дзён абследуюць акваторыю ракі. Прымаюцца ўсе меры для знаходжання цела.

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.