Вы тут

У Лунінецкім раёне патрэбны дзіцячы кардыёлаг


Прамую тэлефонную лінію і прыём грамадзян у Лунінецкім раёне правёў памочнік Прэзідэнта — інспектар па Брэсцкай вобласці Анатоль МАРКЕВІЧ. Пытанні ўздымаліся самыя розныя: ад праблем ЖКГ і выдзялення зямлі пад сельгасвытворчасць да работы ўстаноў медыцыны.


На прамую лінію да Памочніка прэзідэнта дазванілася сем чалавек, пры гэтым адзін званок паступіў з Драгічынскага раёна. Тамтэйшы заяўнік прасіў паспрыяць пашырэнню яго фермерскай гаспадаркі. Такі ж па змесце зварот быў і на асабістым прыёме, калі жыхар адной з вёсак выказаў жаданне развіваць сваю асабістую падсобную гаспадарку, і 72 соткі, якія ён мае на цяперашні час, аказаліся недастатковыя.

Жыхарка раёна ўзняла актуальную для многіх праблему: няма дзіцячага кардыёлага. Дзіця заяўніцы пасля аперацыі мае патрэбу ў пастаянных кансультацыях такога спецыяліста, таму сям'я вымушаная ехаць на прыём у іншыя гарады.

Усяго ж на асабістым прыёме разгледжана шэсць зваротаў, адзін з іх калектыўны. Апошні датычыўся дзейнасці гаражнага кааператыва. Заяўнікам парэкамендавалі ўнесці змены ў яго статут, тады спрэчныя пытанні было б лягчэй вырашыць. Жыхары вёскі Цна прасілі паспрыяць падвядзенню газу ў іх населены пункт. Гэтае пытанне патрабуе асобнага вывучэння для далейшага прыняцця рашэння.

Як паведаміла карэспандэнту «Звязды» начальнік аддзела па рабоце са зваротамі грамадзян Лунінецкага райвыканкама Наталля ВАНЮК, па выніках разгляду зваротаў былі дадзеныя даручэнні адказным асобам выканкама, а ў некаторых выпадках грамадзяне атрымалі кансультацыю.

Святлана ЯСКЕВІЧ

Прэв'ю: citymed.marimedia.ru

Загаловак у газеце: Па­трэб­ны дзі­ця­чы кар­ды­ё­лаг

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.