Вы тут

«Бе­ла­русь. Bеlаrus» — 90 га­доў!


Юбілей выдання рэдакцыйны калектыў часопіса і госці адзначылі ў фармаце круглага стала. Ад імя міністра інфармацыі Аляксандра КАРЛЮКЕВІЧА дырэктар і галоўны рэдактар Выдавецкага дома «Звязда» Павел СУХАРУКАЎ уручыў узнагароды супрацоўнікам рэдакцыі за добрасумленную журналісцкую працу.


Саветнік Пасольства Узбекістана ў Рэспубліцы Беларусь Даніяр АБІДАЎ расказаў, што супрацоўніцтва часопіса з яго краінай ідзе безупынна, на старонках «Беларусь. Bеlаrus» актыўна асвятляюцца падзеі культуры, узаемавыгадныя адносіны паміж абедзвюма дзяржавамі. Павіншаваў з юбілеем гучнымі песнямі і гарэзлівымі танцамі заслужаны аматарскі калектыў Рэспублікі Беларусь, фальклорны ансамбль «Дударыкі» пад кіраўніцтвам заслужанага дзеяча культуры Рэспублікі Беларусь Дзмітрыя РОВЕНСКАГА, яго ўдзельнікі падзякавалі рэдакцыйнаму калектыву за тое, што часопіс далучае шматлікую чытацкую аўдыторыю да беларускай мовы.

— Мы пішам пра сучасную, інтэлектуальную, прыгожую, з высокім узроўнем культуры Беларусь. Пра людзей, якія валодаюць велізарным патэнцыялам добразычлівасці і таленавітасці, — падзялілася адказны сакратар выдання Валянціна ЖДАНОВІЧ. —  У тым, што «Беларусь. Bеlаrus» — часопіс іміджавы, сумнявацца не выпадае. Ён выходзіць для замежнай аўдыторыі, а таксама арыентаваны на тых, хто адчувае моцную сувязь з Радзімай, не жывучы ў ёй.

Галоўны рэдактар «Беларусь. Bеlаrus» Віктар ХАРКОЎ нагадаў, што ў свой час у часопісе друкаваліся Якуб Колас, Янка Брыль, Максім Танк, Іван Мележ, а першым рэдактарам быў Міхась Чарот. «Як раней рэдакцыя выконвала свае задачы, так і сёння мы імкнёмся сваім невялікім калектывам ствараць цікавае выданне».

Дар'я ШЛАПАКОВА

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.