Вы тут

Бярэзінскі біясферны запаведнік адзначае 95-годдзе


Ён быў створаны 30 студзеня 1925 года ў адным з найстарэйшых і найпрыгажэйшых куткоў першароднай прыроды Беларусі.


Навукоўцы завуць яго эталонам некранутай прыроды, яе жывой лабараторыяй. І гэта сапраўды так: Бярэзінскі біясферны запаведнік — найстарэйшая і адзіная ў Беларусі ахоўная прыродная тэрыторыя самага высокага рангу, адзін з нешматлікіх куткоў еўрапейскай часткі паўднёвай тайгі, якія захаваліся ў першародным відзе. Менавіта тут, у вярхоўі Бярэзіны размешчаны разнастайныя прыродныя комплексы, у якіх жыццё расліннага і жывёльнага свету працякае амаль так жа, як гэта было многія сотні гадоў таму.

На запаведнай тэрыторыі налічваецца 56 відаў звяроў, 237 — птушак, 5 — паўзуноў, 11 — земнаводных і 34 відаў рыб і кругларотых. У запаведных лясах, балотах і лугах расце больш за 800 відаў вышэйшых сасудзістых раслін, 63 з якіх строга ахоўваюцца. Паводле Бернскай канвенцыі на яго тэрыторыі вылучаны 23 рэдкіх і ўнікальных для Еўропы біятопы, якія займаюць больш за палову агульнай плошчы.

Бярэзінскі біясферны запаведнік вядомы не толькі ў нашай краіне, але і як еўрапейскі прыродаахоўны комплекс. З 1979 года ён уваходзіць у Сусветную сетку біясферных рэзерватаў праграмы ЮНЭСКА «Чалавек і біясфера», а таксама шматлікіх еўрапейскіх арганізацый, якія ахоўваюць асабліва каштоўныя прыродныя тэрыторыі.

У 2010 годзе ён быў уключаны ў Спіс Рамсарскіх угоддзяў — водна-балотных тэрыторый, якія маюць важнае міжнароднае значэнне ў якасці месцапражыванняў для вадаплаўных і каляводных птушак.

***

31 студзеня ў Нацыянальным архіве Рэспублікі Беларусь (г. Мінск, пр-т Незалежнасці, 116, трэці паверх) а 14-й гадзіне адбудзецца прэзентацыя выставы «Жамчужына беларускай прыроды», прысвечанай 95-годдзю Бярэзінскага біясфернага запаведніка.

Яна дае магчымасць убачыць экспанаты, прадстаўленыя Бярэзінскім біясферным запаведнікам, фатаграфіі вядомага беларускага фотамайстра і аднаго з пазаштатных аўтараў часопіса «Родная прырода» Дзяніса Іўковіча, а таксама дакументы Нацыянальнага архіва Рэспублікі Беларусь, якія захавалі гісторыю запаведніка на «паперы». Упершыню выстаўляюцца дакументы вышэйшых органаў дзяржаўнай улады і кіравання, прысвечаныя яго стварэнню і развіццю, лісты і справаздачы беларускіх навукоўцаў і практыкаў, якія праводзілі навуковыя даследаванні ў запаведніку, а таксама акты аб шкодзе, прычыненай запаведніку ў гады Вялікай Айчыннай вайны.

Суаўтарамі праекта выступілі: Нацыянальны архіў Рэспублікі Беларусь, Беларускі дзяржаўны архіў кінафотафонадакументаў, Дзяржаўная прыродаахоўная ўстанова «Бярэзінскі біясферны запаведнік», філіял Нацыянальнага гістарычнага музея Беларусі — Музей прыроды і экалогіі, часопіс «Родная прырода».

Падрыхтавала Вераніка КОЛАСАВА

Фота Дзяніса ІЎКОВІЧА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.