Вы тут

На выхадных зіма адступіць


Першы месяц года ў Беларусі выдаўся анамальна цёплы, і толькі ў канцы месяца з'явілася снежнае покрыва вышынёй ад 1 да 12 сантыметраў. Па Віцебскай, Мінскай, Магілёўскай і Гомельскай абласцях, дзе ў сераду ўдзень і ўначы выпала больш за ўсё ападкаў, назіраецца адклад мокрага снегу, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Аднак ужо сёння з Заходняй Еўропы чакаецца зрушэнне ва ўсходнім напрамку цёплых паветраных мас, і снег стане інтэнсіўна раставаць.

Як прадказваюць сіноптыкі, у пачатку лютага па-ранейшаму будзе воблачна. На большай частцы тэрыторыі краіны чакаюцца ападкі, у асноўным дождж. Вецер прагназуецца паўднёва-заходні ўмераны, удзень парывісты. Тэмпература паветра ў суботу ўначы складзе ад мінус 2 градусаў да 5 цяпла, удзень — ад плюс 2 па ўсходзе да 9 градусаў вышэй за нуль па захадзе краіны. У нядзелю будзе без замаразкаў нават уначы. Тэмпература паветра ўначы чакаецца ад плюс 1 градуса да 8 градусаў вышэй за нуль, удзень — ад плюс 3 да 9 цяпла.

Паводле папярэдніх прагнозаў айчынных сіноптыкаў, у панядзелак захаваецца анамальна цёплае надвор'е. Спецыялісты падлічылі, што зіма зноў надыдзе (пойдзе снег, мокры снег і падмарозіць) толькі ў сярэдзіне наступнага тыдня.

Сяргей КУРКАЧ

Прэв'ю: new-year-party.ru

Выбар рэдакцыі

Грамадства

У Беларусі дыягнаставаны 861 выпадак каранавіруса

У Беларусі дыягнаставаны 861 выпадак каранавіруса

31 знаходзіцца на штучнай вентыляцыі лёгкіх.

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.