Вы тут

Фестываль «Каложскі благавест» пройдзе ў Гродне напрыканцы лютага


Міжнародны фестываль праваслаўных песнапенняў «Каложскі благавест» у дзевятнаццаты раз пройдзе ў Гродне напрыканцы лютага.


Удзельнікамі творчага форуму сёлета стануць 37 найлепшых хароў з Беларусі, Расіі, Украіны, Польшчы, Латвіі, Сербіі, Румыніі, Узбекістана. А вось калектывы з Фінляндыі, Нідэрландаў і Эстоніі выступяць у межах фэсту ўпершыню. «У апошнія гады фестываль збірае рэкордную колькасць замежных калектываў. Наогул, «Каложскі благавест» за гады свайго існавання стаў не толькі святам-візітоўкай Гродзеншчыны, але і адным з вядучых праваслаўных фестываляў у свеце, маштабным культурным мерапрыемствам, якое аб'ядноўвае прадстаўнікоў розных краін і канфесій», — адзначаюць у абласным метадычным цэнтры народнай творчасці.

Урачыстае адкрыццё «Каложскага благавесту» адбудзецца 19 лютага ў Гродзенскім абласным драмтэатры. Старт фестывалю дасць канцэрт леташняга пераможцы конкурсу праваслаўных песнапенняў, мужчынскага хору «Усіхсвяцкі» сталічнага прыхода ў гонар Усіх Святых. Конкурсныя выступленні ўдзельнікаў гледачы змогуць ацаніць 20-21 лютага ў Свята-Пакроўскім кафедральным саборы, а ўзнагароджанне лаўрэатаў і гала-канцэрт запланаваныя зноў жа ў драмтэатры 22 лютага. Акрамя таго, у праграме форуму — прагляд і абмеркаванне фільмаў праваслаўнай тэматыкі, вечар духоўнай паэзіі і аўтарскай песні, тэматычныя выстаўкі.

Вікторыя ЗАХАРАВА

Прэв'ю: goodfon.ru

Загаловак у газеце: Усе хоры ў госці да нас

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.