03 снежня, чацвер

Вы тут

ІT-тэхналогіі павінны стаць адным з галоўных складнікаў новай эканамічнай мадэлі краіны


Гэтае меркаванне прагучала ў Парку высокіх тэхналогій падчас круглага стала на тэму развіцця ІТ-індустрыі, перспектыў лічбавізацыі фінансавай сферы краіны. У мерапрыемстве ўзялі ўдзел члены Пастаяннай камісіі Палаты прадстаўнікоў па бюджэце і фінансах, прадстаўнікі Нацыянальнага банка, Міністэрства фінансаў.


Дырэктар адміністрацыі Парка высокіх тэхналогій Усевалад ЯНЧЭЎСКІ адзначыў, што паміж ІT-супольнасцю і парламентам наладжаны вельмі добры дыялог.

— Тое, што было разумна, актуальна сёння, літаральна заўтра, праз год, два, тры, асабліва гэта датычыцца сферы тэхналогій, ужо састарэла, трэба нешта новае. Дзякуючы вядомым рашэнням, якія ў свой час прыняў кіраўнік дзяржавы, Беларусь стала піянерам, прычым не толькі ў рэгіёне, але і ва ўсім свеце, — у заканадаўстве, якое датычыцца ІT-сферы. Сёння трэба зрабіць так, каб мы не толькі не адставалі, а апярэджвалі сусветныя заканадаўчыя навацыі, якія рэгулююць сферу высокіх тэхналогій.

У 2017 годзе Прэзідэнт падпісаў Дэкрэт «Аб развіцці лічбавай эканомікі». Згадваючы яго, Усевалад Янчэўскі прызнаўся: удзельнікі ІT-рынку за яго вельмі ўдзячныя. Па словах дырэктара ПВТ, перавыкананне паказчыкаў тут ідзе пастаянна і лёгка. Гэта вынік таго, што бізнес адчувае сябе ўпэўнена.

— На большасць кампаній уплыў аказала атмасфера, гэта стала стымулам для стварэння новых — іх становіцца ўсё больш і больш. Прэзідэнт не проста падпісаў дакумент, ён удыхнуў у іх упэўненасць. І ў гэтых невялікіх кампаніях будучыня — будучыня на мільярды долараў.

Намеснік старшыні Палаты прадстаўнікоў Нацыянальнага сходу Валерый МІЦКЕВІЧ упэўнены, што сёння наспела неабходнасць больш актыўна ўкараняць лічбавыя тэхналогіі і ў іншыя сферы, а для гэтага трэба трансфармаваць заканадаўства.

— Многія законапраекты, якія сёння ўжо знаходзяцца на разглядзе ў парламенце, у той ці іншай ступені ўтрымліваюць розныя нормы, якія рэгулююць ІT-сферу. Напрыклад, законапраект «Аб персанальных даных». Таму што любая добрая справа, любая тэхналогія нясе як карысць, так часам і шкоду. І вядома, мы павінны стымуляваць карыснае развіццё і, адпаведна, заканадаўча адрэгуляваць праблему такім чынам, каб мінімізаваць любую шкоду, — зазначыў спікер.

І дадаў, што дэпутаты могуць падтрымаць укараненне ІT на дзяржаўных прадпрыемствах. Дзяржаўны сектар у гэтым плане не адстае ад прыватнага. «Усё залежыць ад патрэб, жадання і імкнення канкрэтных прадпрыемстваў, іх менеджараў. Тэхналогіі паскараюць, робяць таннейшым вытворчы працэс, любы менеджар павінен імкнуцца да таго, каб укараняць іх. Калі ёсць патрэба ў стымулюючых заканадаўчых рашэннях, то мы гэта можам абмеркаваць. Калі будуць такія ідэі, мы іх разгледзім».

Намеснік старшыні праўлення Нацыянальнага банка Дзмітрый КАЛЕЧЫЦ прывёў у прыклад праект закона «Аб аплатных сістэмах і аплатных паслугах»:

— Дакумент кардынальна змяняе канфігурацыю развіцця фінансавага рынку з пункту гледжання рэгулявання. Цяпер мы рэгулюем суб'екты, а з яго прыняццем будзем рэгуляваць дзейнасць, адкрываючы шлях канкурэнцыі. Гэта прывядзе да росту якасці, тэхналагічнасці, а ў канчатковым выніку выйграюць спажыўцы.

Старшыня Пастаяннай камісіі па бюджэце і фінансах Палаты прадстаўнікоў Людміла НІЖЭВІЧ звярнула ўвагу, што ўсе высокія тэхналогіі, якія існуюць у свеце і краіне, хутчэй за ўсё ўкараняюцца менавіта ў фінансавую сферу. «Калі так адбываецца, гэта, хочаш ці не, падштурхоўвае ўсе іншыя галіны да таго, каб яны таксама рэагавалі на ўсе навіны. Такі працэс запатрабуе неаднаразовага ўмяшання, у тым ліку з боку заканатворчасці», — упэўнена яна.

Дар'я ШЛАПАКОВА

Фота БелТА

Загаловак у газеце: Будучыня на мільярды долараў

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.