У Міністэрстве інфармацыі Рэспублікі Беларусь адбылася сустрэча з Надзвычайным і Паўнамоцным Паслом Аўстрыйскай Рэспублікі ў Беларусі Алаізай Вёргетэр.
Падчас абмеркавання надзённых пытанняў, у якім бралі ўдзел міністр інфармацыі Аляксандр Карлюкевіч, намеснік міністра Ігар Бузоўскі, закранулі тэмы, звязаныя з двухбаковым супрацоўніцтвам у галіне медыя. Ішла размова і пра беларускае кнігавыданне. У прыватнасці, згадваўся вопыт супрацоўніцтва аўстрыйскага боку з выдавецтвам «Беларуская энцыклапедыя імя Петруся Броўкі». Алаіза Вёргетэр адзначыла, што аўстрыйскаму чытачу найболей цікава дакументальная літаратура, якая закранае і няпростыя тэмы Другой сусветнай вайны.
Абмеркаваны таксама пытанні ўзаемаадносін творчага, пісьменніцкага супольніцтва Беларусі і Аўстрыі. Між іншым, у нашай краіне добра ведаюць аўстрыйскую нацыянальную літаратуру. У апошнія дзесяцігоддзі надрукавана нямала кніг творцаў Аўстрыі ў перакладзе на рускую і беларускую мовы. Бібліяграфічная інфармацыя на гэтую тэму, падрыхтаваная Нацыянальнай кніжнай палатай Рэспублікі Беларусь, перададзена аўстрыйскаму паслу ў нашай краіне Алаізе Вёргетэр.
Сяргей ШЫЧКО
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.