Вы тут

Усе кнігі — у госці да нас


Літаральна ўчора, напярэдадні адкрыцця XXVІІ Мінскай міжнароднай кніжнай выстаўкі-кірмашу мне ўдалося з фотакамерай у руках паназіраць, як рыхтаваліся да галоўнага кніжнага форуму Беларусі. Атмасфера ў выставачным павільёне, нягледзячы на клопаты і рабочую мітусню, была надзіва душэўная, нібы пранізаная прадчуваннем свята. Зрэшты, хіба з кнігамі можа быць інакш?


Студэнтка сталічнага архітэктурна-будаўнічага каледжа Алена ПЯТРЭНКА не першы раз удзельнічае ў падрыхтоўцы Мінскай міжнарожнай кніжнай выстаўкі, якая адкрываецца сёння. Гэтым разам яна дапамагае ў афармленні стэндавых пляцовак для выдавецкіх арганізацый. Яе рукамі прыклеены  і лагатып Выдавецкага дома «Звязда».

Галоўная сцэна, на якой сёння будзе праходзіць урачыстае адкрыццё, а ў наступныя дні пройдуць прэзентацыі кніг, уручэнне дыпломаў, выступленні выдаўцоў і пісьменнікаў, канцэрты артыстаў, была ўжо ўстаноўлена. Адным з першых рыхтаваўся стэнд цэнтральнага экспанента выстаўкі — Злучаных Штатаў Амерыкі. На стэндзе будуць прадстаўлены болей за 100 выданняў друкаванай прадукцыі ў выглядзе кніг і альбомаў, часопісаў і брашур на англійскай мове, сярод якіх значнае месца займаюць выданні турыстычнай тэматыкі.

Пакуль ішла выгрузка з машын кніжных паліц і ўласна герояў свята — кніг, пакуль праціраліся шкляныя вітрыны і наклейваліся назвы выдавецтваў, «Белкніга» ўжо падрыхтавала сваю пляцоўку. Як і раней, на гэтым стэндзе будзе гаспадарыць калектыў мінскай кнігарні «Цэнтральная» — учора ў павільёне разам з загадчыкам крамы Інгай Бекіш працавалі прадаўцы, таваразнаўцы і грузчыкі.

Перад цэнтральным уваходам на Пераможцаў, 14, дзе ўстаноўлена вялікая афіша выстаўкі, зацікаўленыя чытачы ўжо ўважліва вывучалі праграму свята.

Анатоль КЛЯШЧУК

Фота аўтара


Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.