Вы тут

Проціпухлінны гідрагелевы прэпарат «Тэмадэкс» будзе вырабляцца ў БДУ


УП «Унітэхпрам БДУ» стане адзінай пляцоўкай у свеце па вытворчасці арыгінальнага проціпухліннага прэпарата «Тэмадэкс». Рэгістрацыйнае пасведчанне на выпуск лекавага сродку было выдадзена прадпрыемству Міністэрствам аховы здароўя Беларусі.


Ідэя, распрацоўка, тэхналогія вытворчасці належаць навукоўцам НДІ фізіка-хімічных праблем БДУ. Клінічныя выпрабаванні і даследаванні праводзіліся супрацоўнікамі ўніверсітэта пры ўдзеле ўрачоў сталічнай ГКБ хуткай медыцынскай дапамогі, РНПЦ анкалогіі і медыцынскай радыялогіі імя М.М. Аляксандрава і БДМУ. Такім чынам, Беларускі дзяржаўны ўніверсітэт стаў першай айчыннай ВНУ, дзе быў захаваны поўны цыкл засваення супрацьракавага сродку — ад ідэі да яе ўкаранення. Пры гэтым прадпрыемства выпускае субстанцыю і дапаможныя рэчывы для атрымання гатовага лякарства, адраснай яго дастаўкі да органаў-мішэняў і пралангацыі дзеяння.

«Тэмадэкс» прымяняецца ў комплекснай хірургіі для лячэння рака галаўнога мозгу рознай складанасці і ўяўляе сабой парашок для падрыхтоўкі біялагічнага гідрагеля, які рассмоктваецца. Яго пакідаюць на месцы выдаленай пухліны і ўсіх тканак, што кантактуюць з ёй. Гель паступова рассмоктваецца, вызваляючы малекулы хіміяпрэпаратаў і падтрымліваючы патрэбную іх канцэнтрацыю для знішчэння ракавах клетак, што засталіся пасля аперацыі, і прадухілення рэцыдываў.

Беларускі прэпарат не мае сусветных аналагаў. Вядомы амерыканскі «Гліадэл» падобны па вобласці прымянення, але адрозніваецца па складзе і вырабляецца ў выглядзе сурвэтак. Перавагай айчыннага сродку з’яўляецца таксама яго нізкі кошт — да 450 $. Для параўнання: адна ўпакоўка «Гліадэла» каштуе каля 18 000 $. Для грамадзян Беларусі лячэнне «Тэмадэксам» бясплатнае.

Нагадаем, што першым вытворцам гатовай лекавай формы «Тэмадэкс» у 2016 годзе стала РУП «Белмедпрэпараты». Але пасля мадэрнізацыі вытворчых участкаў у Беларускім дзяржаўным універсітэце было прынята рашэнне аб выпуску лякарства на прадпрыемстве «Унітэхпрам БДУ».

«Тэмадэкс» уключаны ў клінічны пратакол Беларусі «Алгарытмы дыягностыкі і лячэння злаякасных новаўтварэнняў». У цяперашні час актыўна вядзецца праца па яго рэгістрацыі за мяжой. Прэпарат запатэнтаваны ў еўразійскім рэгіёне і Расіі. Пададзена заяўка на атрыманне Міжнароднага патэнта PCT, які гарантуе замацаванне аўтарства на вынаходніцтва ў 56 краінах свету. Таксама «Тэмадэксу» прысвоены ў Еўропе статус арфаннасці.

Плануецца, што ў профільныя медыцынскія ўстановы Беларусі «Тэмадэкс» паступіць у канцы першага квартала бягучага года.

Надзея НІКАЛАЕВА

Прэв'ю: habr.com

Выбар рэдакцыі

Грамадства

«Антыдэпрэсанты не выклiкаюць прывыкання i залежнасцi». Як перамагчы трывогу i дэпрэсiўны настрой?

«Антыдэпрэсанты не выклiкаюць прывыкання i залежнасцi». Як перамагчы трывогу i дэпрэсiўны настрой?

Расказаў урач-псiхiятр-нарколаг мiнскага гарадскога клiнiчнага псiхiятрычнага дыспансера Iгар Сарокiн.

Грамадства

У Беларусі дыягнаставаны 861 выпадак каранавіруса

У Беларусі дыягнаставаны 861 выпадак каранавіруса

31 знаходзіцца на штучнай вентыляцыі лёгкіх.