Вы тут

Музей Вітольда Бялыніцкага-Бірулі аб'явіў конкурс сярод аматараў беларускай паэзіі і прозы


Музей В. Бялыніцкага-Бірулі аб'явіў конкурс сярод аматараў беларускай паэзіі і прозы «Люблю мой край». Конкурс прымеркаваны да Дня беларускай мовы і праводзіцца ў рамках Года малой радзімы.


— Такім чынам мы імкнёмся не толькі папулярызаваць сярод моладзі творчасць беларускіх паэтаў і пісьменнікаў, але і прывіць любоў да роднай мовы, выхаваць мастацкі густ, пачуццё патрыятызму, — адзначыла загадчык філіяла Нацыянальнага мастацкага музея ў Магілёве «Музей В. К. Бялыніцкага-Бірулі» Святлана Строгіна.

Да ўдзелу запрашаюць навучэнцаў, а таксама творчыя калектывы ўстаноў дадатковай адукацыі дзяцей і моладзі ва ўзросце ад 12 да 18 гадоў. Заяўнікі могуць выконваць паэтычныя або празаічныя творы, урыўкі з іх або ўрыўкі з драматургічных твораў. Галоўнае, каб працягласць выступлення не перавышала пяці хвілін. Чатыры пераможцы конкурсу атрымаюць арыгінальныя мастацкія творы ў якасці прызоў. І ўсе без выключэння будуць узнагароджаны памятнымі дыпломамі. Для ўдзелу ў конкурсе неабходна да 15 лютага даслаць заяўку з назвай твора беларускага аўтара на электронны адрас музея з пазнакай «конкурс». Трэба напісаць у ёй свае імя і прозвішча, а таксама імя і прозвішча свайго педагога, назву ўстановы адукацыі і тэлефон для сувязі. Вынікі будуць падведзены 21 лютага.

Нэлі ЗІГУЛЯ

Прэв'ю: minsk.edu.by

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!