Вы тут

Праект «ПІН_КОД» дае па пятніцах вольную трыбуну для школьнікаў


Студыя маладзёжнага інтэрактыўнага праекта «ПІН_КОД» у прамым сэнсе стала адкрытай: кожную пятніцу вядучыя саступаюць месца сваім гледачам. А школьнікі, застаўшыся ў здымачным павільёне без дарослых, абмяркоўваюць актуальныя, важныя і злабадзённыя тэмы.


Ідэя новай рубрыкі з'явілася з падказкі саміх гледачоў-падлеткаў, таму што часам іх погляды на многія рэчы кардынальна разыходзяцца з пазіцыяй дарослых. А калі людзі старэйшага пакалення даюць ім парады ў эфіры, то гэта выклікае хутчэй скептыцызм, чым жаданне верыць і прыслухоўвацца. Школьнікі стаміліся ад павучанняў і хочуць адкрыта абмяркоўваць «свае тэмы», дзяліцца прыколамі і гаварыць пра тое, што іх больш за ўсё раздражняе.

Па пятніцах студыя «ПІН_КОДа» будзе знаходзіцца ў іх распараджэнні. Выказаць сваю пазіцыю ў тэлеэфіры змогуць тыя, хто праявіць ініцыятыву і падасць заяўку на ўдзел у праграме. Зрабіць гэта можна, напісаўшы паведамленне ў суполцы «УКантакце» (vk.соm/ріnсоdе_b2) і прайшоўшы кастынг. Аднак няхай будучых прэтэндэнтаў гэта не палохае: адбор праходзіць у фармаце суразмоўя, дзе дастаткова патлумачыць, чаму тая ці іншая тэма вас хвалюе, і прадэманстраваць тое, наколькі вы можаце будаваць свае думкі, не саромеючыся быць незразумелымі і адстойваючы свае меркаванні.

— Падчас папярэдняй размовы з будучымі ўдзельнікамі мы абмяркоўваем розныя нюансы, каб рэдактары праграмы таксама маглі ўнікнуць у тэму, а потым падрыхтаваць яшчэ нейкі дадатковы матэрыял з відэа, меркаваннямі спецыялістаў. І мы, вядома, разумеем, што, трапляючы ўпершыню ў тэлевізійную студыю, дзеці губляюцца і ім патрэбны час і кола аднадумцаў, каб разняволіцца і размаўляць адкрыта, — зазначае кіраўнік праекта «ПІН_КОД» Ягор Шолькін. — Па папярэдніх здымках можна сказаць, што ідзем у правільным кірунку: знаёмства і размова з дзецьмі даюць нам больш дакладнае ўяўленне пра тое, чым яны сёння жывуць і пра што размаўляюць у коле сяброў. Гэта і сучасныя накірункі музыкі, і іх уяўленне пра дасягненне поспеху, і спосабы самавыяўляцца праз знешнасць, і многія іншыя тэмы. Мы гатовыя выслухаць ідэі і, калі тэма сапраўды актуальная, нават арганізуем выязную студыю для здымак у любым населеным пункце Беларусі.

Алена ДРАПКО

Загаловак у газеце: «ПІН_КОД» — для тых, хто ў тэме!

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.