Вы тут

У панядзелак да нас завітае надвор'е вясны — будзе 5—11 цяпла


Не было да гэтага зімы, і канцоўка сезона снегам і марозам не парадуе. Вось і наступнымі днямі заходнія вятры будуць пастаўляць у глыб кантынента цёплае вільготнае акіянічнае паветра, якое ўтрымлівае ў большасці дзяржаў Еўропы, у тым ліку і ў Беларусі, далёка не лютаўскае надвор'е. Тэмпературны фон у нашай краіне на гэтым тыдні на 5—8 градусаў перавышае кліматычную норму і адпавядае апошнім чыслам сакавіка, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Так, сіноптыкі абяцаюць, што не зменіцца сітуацыя і ў найбліжэйшыя дні. Заўтра ўначы ўмовы надвор'я будзе вызначаць атмасферны фронт, а ўдзень у асноўным адаб'ецца ўплыў вобласці павышанага атмасфернага ціску. Будзе воблачна з праясненнямі. Уначы ў паўднёвых і цэнтральных раёнах, а ўдзень пераважна па паўднёвым усходзе краіны пройдуць кароткачасовыя ападкі ў выглядзе мокрага снегу і дажджу. Уначы і раніцай месцамі будуць слабыя туман і галалёд, на дарогах — галалёдзіца. Вецер пераменных напрамкаў умераны. Уначы яшчэ будзе падмарожваць да мінус 4 градусаў, а тэмпература паветра ўдзень будзе ад нуля да плюс 5 градусаў.

Вясновае надвор'е пачне «гарэзіць» па тэрыторыі нашай краіны ўжо ў нядзелю. У гэты дзень, 16 лютага, мы апынёмся пад уплывам яшчэ больш цёплай паветранай масы, якая паступае з тэрыторыі Заходняй Еўропы. Тэмпература паветра ўначы чакаецца ад мінус 3 градусаў да 2 цяпла, удзень сонейка прыгрэе і будзе 2—8 цяпла, а па паўднёвым захадзе краіны — усе 10 са знакам плюс. Месцамі пройдуць кароткачасовыя ападкі ў выглядзе мокрага снегу і дажджу. Уначы і раніцай у асобных раёнах краіны будуць слабыя туман і галалёд, на дарогах — галалёдзіца.

Паводле папярэдніх прагнозаў айчынных сіноптыкаў, у панядзелак умовы надвор'я будуць вызначаць атмасферныя франты ад чарговага магутнага і шырокага цыклона з цэнтрам над поўначчу Нарвегіі. У многіх краінах Еўропы, у тым ліку і ў Беларусі, чакаецца моцны парывісты паўднёва-заходні вецер. На большай частцы тэрыторыі краіны пройдуць кароткачасовыя дажджы. Тэмпература паветра ўначы складзе
ад 0 да плюс 6 градусаў. Удзень будзе ад плюс 5 да 11 цяпла. Такі тэмпературны фон шчыльна наблізіцца да рэкордных лютаўскіх максімумаў.

Сяргей КУРКАЧ

Прэв'ю: Depositphotos.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.