Вы тут

Чэмпіянат Еўропы па біятлоне-2020 пройдзе ў "Раўбічах"


Чэмпіянат Еўропы па біятлоне-2020 перанесены з Отэпя (Эстонія) у "Раўбічы". Інфармацыя пра гэта размешчана на афіцыйным сайце Міжнароднага саюза біятланістаў, паведамляе БелТА.


Спарткомплекс пад Мінскам прыме і этап Кубка IBU. 

Кантынентальнае першынство было перанесена ў "Раўбічы", бо з-за цёплага надвор'я ў Эстоніі арганізатары не змаглі гарантаваць ўмовы, неабходныя для мерапрыемства. Міністэрства спорту і турызму Беларусі, а таксама прадстаўнікі РЦАП "Раўбічы" заявілі пра гатоўнасць прыняць форум.

Спартыўны дырэктар IBU Фелікс Бітэрлінг так пракаментаваў рашэнне беларускага боку прыняць ЧЕ для афіцыйнага сайта Міжнароднага саюза біятланістаў: "IBU хацеў бы падзякаваць "Раўбічам" за арганізацыю чэмпіянату Еўропы ў такія кароткія тэрміны. Паколькі неўзабаве ў Беларусі пройдзе фінал Кубка IBU, гэта рашэнне з'яўляецца найбольш правільным і эканамічна эфектыўным для спартсменаў, арганізатараў і нацыянальных федэрацый". Ён таксама адзначыў, што мерапрыемства стане добрай падрыхтоўкай для беларускага боку, паколькі ў сакавіку 2022 года "Раўбічы" будуць прымаць Кубак свету.

Першапачаткова Міжнародны саюз біятланістаў павінен быў прыняць рашэнне аб пераносе чэмпіянату Эўропы 15 лютага, але зрабіў гэта раней, паколькі прагноз надвор'я не цешыў арганізатараў спаборніцтваў у Отэпя.

Чэмпіянат Еўропы другі год запар будзе праходзіць у беларускіх "Раўбічах". Спаборніцтвы пачнуцца 26 лютага і скончацца 1 сакавіка.

Раней у Отэпя быў адменены этап Кубка свету па лыжным дваябор'і, які павінен быў прайсці з 8 па 9 лютага.

Прэв'ю: pitanie4zdravie.ru

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.