Вы тут

Расійскую алімпійскую чэмпіёнку па біятлоне Сляпцову дыскваліфікавалі за допінг


Алімпійская чэмпіёнка 2010 года ў біятлоне Святлана Сляпцова прызнана вінаватай у парушэнні антыдопінгавых правілаў, яна дыскваліфікаваная на два гады. Яе вынікі з 22 сакавіка 2013 года па канец сезона-2013/14 ануляваныя. Пра гэта ТАСС паведамілі ў Саюзе біятланістаў Расіі (СБР).


Рашэнне аб дыскваліфікацыі Сляпцовай было прынята 11 лютага. Яна прызнаная вінаватай у выкарыстанні забароненай субстанцыі ў парушэнне артыкула 2.2 антыдопінгавых правілаў Міжнароднага саюза біятланістаў (IBU). Спартсменка завяршыла кар'еру ў 2017 годзе, аднак двухгадовая дыскваліфікацыя будзе адлічвацца з даты вынясення вердыкту.

З 22 сакавіка 2013 года па канец сезона-2013/14 Сляпцова практычна не выступала на міжнароднай арэне. На Кубку свету яна выступіла толькі аднойчы - на этапе ў Ансі, дзе ў складзе эстафетнай каманды заняла шостае месца. Гэты вынік будзе ануляваны.

Святлане Сляпцовай 33 гады, яна з'яўляецца алімпійскай чэмпіёнкай 2010 года ў эстафеце, чэмпіёнкай свету 2009 года ў эстафеце, бронзавым прызёрам сусветнага першынства 2008 года ў змешанай эстафеце. Яна завяршыла кар'еру пасля летняга чэмпіянату свету па біятлоне - 2017, выйграўшы там тры залатыя медалі. На яе рахунку пяць перамог у асабістых гонках на этапах Кубка свету.

Прэв'ю: ТАСС

Выбар рэдакцыі

Грамадства

Гараджан, якія з выхадам на пенсію вяртаюцца ў бацькоўскія дамы, становіцца ўсё больш

Гараджан, якія з выхадам на пенсію вяртаюцца ў бацькоўскія дамы, становіцца ўсё больш

Цяпер ледзь не ў кожнай вёсцы можна сустрэць былых гараджан.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра стасункі, армію і падарункі.