Вы тут

Былога дырэктара Пружанскага завода радыёдэталяў асудзілі на сем гадоў калоніі за хабар


У судзе Маскоўскага раёна Брэста сёння абвясцілі прысуд у дачыненні да былога дырэктара Пружанскага завода радыёдэталяў, перадае БелТА.


Судовая калегія па крымінальных справах у адкрытым паседжанні разгледзела крымінальную справу і прызнала былога кіраўніка вінаватым у атрыманні хабару ў асабліва буйным памеры - гэта значыць па частцы 3. арт. 430. яму прызначана пакаранне ў выглядзе сямі гадоў пазбаўлення волі з адбываннем у папраўчай калоніі ўзмоцненага рэжыму. Таксама ён пазбаўлены права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на пяць гадоў.

Суд звярнуў ў даход дзяржавы Br19,4 тыс., а таксама маёмасць падсуднага (мэбля, бытавая тэхніка, гараж, аўтамабіль, матацыкл і іншае).

Яго змоўшчык, дырэктар ТАА, прызнаны вінаватым па ч.2 арт. 431 КК - дача хабару ў буйным памеры. Ён прыгавораны да двух гадоў пазбаўлення волі з адбываннем у папраўчай калоніі ўзмоцненага рэжыму. Мужчыну ўзялі пад варту ў зале суда.

Прысуд можна абскардзіць і апратэставаць ў апеляцыйным парадку ў Вярхоўным судзе ва ўстаноўлены законам тэрмін.

Дырэктар Пружанскага завода радыёдэталяў быў затрыманы з доказамі злачынства 2 ліпеня ў Мінску. Кіраўнік прадпрыемства атрымаў незаконнае ўзнагароджанне ў памеры $ 1,2 тыс. ад заснавальніка камерцыйнай структуры. Грошы прызначаліся за спрыяльнае вырашэнне пытанняў гаспадарчых узаемаадносін паміж дзвюма арганізацыямі. Падчас следства было ўстаноўлена, што дырэктар завода сістэматычна браў хабару ад прадстаўніка гэтай фірмы - практычна штомесяц на працягу некалькіх гадоў.

Прэв'ю: uk.finance.yahoo.com

Выбар рэдакцыі

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.

Грамадства

Хто паставiць кропку ў спрэчцы вакол пакупкі за адну базавую?

Хто паставiць кропку ў спрэчцы вакол пакупкі за адну базавую?

Ранейшы ўласнiк цяпер звярнуўся ў суд i патрабуе вярнуць будынак.

Культура

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар з'яўляецца аўтарам опер, сімфоній і кантат, яго музыка гучыць у розных кутках свету, а ў Беларусі з ім працуюць найлепшыя выканаўцы.

Культура

Дарогамі Славы. Простыя вяскоўцы

Дарогамі Славы. Простыя вяскоўцы

Уладзiмiр Амельяновiч і Апанас Кляцко.