Вы тут

Адбудзецца чэмпіянат Беларусі па шматбор’і "Пошукава-выратавальныя работы"


З 19 па 21 лютага пад Гомелем пройдзе чэмпіянат Рэспублікі Беларусь па шматбор'і ратавальнікаў “Пошукава-выратавальныя работы”, паведамляе Міністэрства па падзвычайных сітуацыях.


Больш за трыццаць перашкод трэба прайсці ўдзельнікам спаборніцтваў сярод падраздзяленняў МНС. Ратавальнікі зробяць марш-паход па перасечанай мясцовасці на 50 кіламетраў. Сярод заданняў – “Навясная пераправа”, “Палонка”, “Мост”, “Скала”, “Перавал”, “Эвакуацыя”, “Абед”, “Вогнішча”, “Азімут”, “Брод”, “Вадаспад”, “Дарога жыцця”, “Парашутысты”, “Сігнал”, “Лёд”, “Трывога” і “Арыентаванне на мясцовасці”.

Мнагабор'е скіравана на ўдасканаленне навыкаў пры правядзенні пошукава-выратавальных работ ва ўмовах прыроднага асяроддзя, на водных аб'ектах, у зонах тэхнагенных аварый і катастроф. Яшчэ адна мэта - павышэнне прафесійнага майстэрства, у тым ліку прапрацоўкі перадавых метадаў выкарыстання аварыйна-выратавальнага інструмента і абсталявання, альпінісцкага рыштунку, распаўсюджвання сучасных пошукава-выратавальных тэхналогій, абмен вопытам вядзення аварыйна-выратавальных работ.

Галоўная задача ратавальнікаў пры праходжанні кожнага практыкавання - знайсці пацярпелых, аказаць ім пры неабходнасці першую медыцынскую дапамогу і эвакуіраваць у пункт прыёму. Паслядоўнасць этапаў раскрываецца камандам пасля старту і даводзіцца ў працэсе праходжання маршруту.

У спаборніцтвах прымуць удзел прадстаўнікі абласных, Мінскага гарадскога ўпраўленняў, Рэспубліканскага атрада спецыяльнага прызначэння і Універсітэта грамадзянскай абароны МНС.

Сяргей РАСОЛЬКА

Прэв'ю: newsbel.by

Выбар рэдакцыі

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.