Вы тут

Завод "Луч" выпусціў калекцыю гадзіннікаў з радкамі верша Багдановіча "Зорка Венера"


Лімітаваную калекцыю гадзіннікаў “Мова” выпусціў завод “Луч”. Яе стварэнне прымеркавана да Міжнароднага дня роднай мовы. У аснову канцэпцыі лёг верш Максіма Багдановіча "Зорка Венера".


У гэтым годзе калекцыя “Мова” прадстаўлена дзвюма мадэлямі. На цыферблаце кожнай намалявана зорнае неба. Гадзіннікі адрозніваюцца колерам цыферблата, а таксама пакрыццём: на мадэлі з сінім небам яно храміраванае, на другой – з чорнага хрому. “Зорны” цыферблат дапаўняе латуневы корпус і раменьчык з натуральнай скуры. Усяго ў продаж паступіла 400 экзэмпляраў.

Унікальнымі гадзіннікі робяць першыя радкі верша Максіма Багдановіча «Зорка Венера», якія выгравіраваны на адваротным баку корпуса.

- Было шмат ідэй. У выніку мы спыніліся на адным з самых вядомых вершаў беларускай класікі, - кажа арт-дырэктар Мінскага гадзіннікавага завода “Луч” Іван КРАЎЧЭНЯ. -  “Зорку Венеру” ведае кожны беларус, а Максім Багдановіч займае ключавое месца ў нашай літаратуры. Важна і тое, што  менавіта Багдановіч - адзін са стваральнікаў беларускай літаратурнай мовы. Сваёй працай мы хочам выказаць падзяку паэту, а таксама паказаць, як яго спадчына можа быць увасоблена ў такой, здавалася б, паўсядзённай рэчы. Спадзяюся, уладальнікі гадзіннікаў будуць з гонарам расказваць гісторыю паэта, у якога было такое насычанае, але, на жаль, вельмі кароткае жыццё.

Кожны год калекцыяй “Мова” Мінскі гадзіннікавы завод імкнецца падкрэсліць унікальнасць і адметныя асаблівасці беларускай мовы. Так, напрыклад, летась калекцыя складалася з дзвюх мадэляў - мужчынскіх і жаночых аднастрэлачнікаў, на цыферблаце якіх былі літары “дж” і “дз”.

Надзея НІКАЛАЕВА

Выбар рэдакцыі

Грамадства

У Беларусі дыягнаставаны 861 выпадак каранавіруса

У Беларусі дыягнаставаны 861 выпадак каранавіруса

31 знаходзіцца на штучнай вентыляцыі лёгкіх.

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.