У мінскім выдавецтве «Народная асвета» пабачыла свет даследванне беларускага вучонага Віктара Гермянчука, прысвечанае старажытнакітайскай філасофіі кіравання. Назва ў кнігі досыць цікавая і разам з тым канкрэтная, скіраваная на сутнаснае вырашэнне тэмы, — «Кітайскае мастацтва сэрца».
Вось што акрэслівае тэматычныя абсягі выдавецкая анатацыя: «Кніга прысвечана старжытнакітайскай філасофіі кіравання. Гэта мастацтва сэрца здаўна служыла асновай фарміравання кітайскай бюракратыі і сістэмы выхавання палітычнай эліты, маральныя якасці якой закліканы забяспечыць цесную сувязь паміж духоўным удасканальваннем асобы і гуманістычнай скіраванасцю перамен». І далей: «Адрасуецца спецыялістам у галіне тэорыі і практыкі дзяржаўнага кіравання, слухачам і студэнтам Акадэміі кіравання пры Прэзідэнце Рэспублікі Беларусь, усім, хто цікавіцца гісторыяй і культурай Кітая». Наклад выдання, выпуск якога ажыццёўлены пры дапамозе Міністэрства інфармацыі Рэспублікі Беларусь, — 500 асобнікаў.
У «Кітайскім мастацтве сэрца» — тры раздзелы: «Мудрасць канфуцыянства»; «Шлях-Дао даосаў»; «Пад пустымі нябёсамі». Дарэчы, яшчэ раней, у 2017 і 2019 гадах вучоны выдаў дзве кнігі, прысвечаныя Кітаю, — «Кітай. Крылы дракона» і «Чыноўнікі ў старым і новым Кітаі».
Алесь Карлюкевіч
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
