Вы тут

Народныя выбраннікі Беларусі і ЗША мусяць больш кантактаваць наўпрост


Такое меркаванне выказаў старшыня Пастаяннай камісіі Палаты прадстаўнікоў Нацыянальнага сходу Беларусі па міжнародных справах Андрэй Савіных на сустрэчы з кіраўніком сакратарыята камітэта па міжнародных адносінах Сената Кангрэса ЗША Крыстаферам Сочам.


Андрэй Савіных падкрэсліў, што гэта першая сустрэча парламенцкіх структур Беларусі і ЗША непасрэдна ў гістарычна важным будынку, дзе месціцца Палата прадстаўнікоў, — дагэтуль народныя выбраннікі кантактавалі ў асноўным на палях буйных парламенцкіх форумаў.

«Несумненна, мы можам канстатаваць, што Мінск і Вашынгтон прадукцыйна супрацоўнічаюць у абласцях супадзення інтарэсаў, па пытаннях бяспекі (гэта перш за ўсё барацьба са злачыннасцю, гандлем людзьмі, тэрарызмам, абыходжанне з радыеактыўнымі матэрыяламі). Узноўлены дыялог у ваеннай сферы, па лініі аховы здароўя, сельскай гаспадаркі, прафесійных абменаў», — адзначыў дэпутат і выказаў упэўненасць, што на фоне гэтых дасягненняў надышоў час для прамых кантактаў парламенцкіх структур.

На думку Андрэя Савіных, такія кантакты дазволяць нанова выбудаваць адносіны, што калісьці былі паміж нашымі краінамі, і працаваць на карысць абедзвюх дзяржаў.

У сваю чаргу, Крыстафер Соча паведаміў аб аптымізме, які з'явіўся ў дэлегацыі за кароткі час, праведзены ў Беларусі. Прадстаўнікоў ЗША натхнілі нашы поспехі ў эканоміцы, сферы высокіх тэхналогій і барацьбы з тэрарызмам.

«Як вы ведаеце, Кангрэс ЗША прыняў шэраг заканадаўчых актаў па тэме адносін з Беларуссю. Адна з мэт нашага візіту — на свае вочы паназіраць за прагрэсам, ажыццёўленым у Беларусі, і разабрацца, ці патрэбныя абнаўленні ў гэтых актах», — канстатаваў Крыстафер Соча. Ён падтрымаў ідэю парламенцкіх абменаў і выказаў надзею на ўмацаванне плыні інфармацыі паміж беларускімі ўладамі і Кангрэсам ЗША.

Варвара Марозава

Прэв'ю: БЕЛТА

Загаловак у газеце: Дыялог праз акіян

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.