Вы тут

Губернатараў сабралі на вайсковы збор


На базе палігона Лосвіда ў Віцебскім раёне прайшоў збор па пытаннях ваеннай бяспекі і абароны Беларусі з кіраўнікамі абласцей і горада Мінска, рэгіянальных камісарыятаў, паведамілі ў Міністэрстве абароны.


Такія мерапрыемствы праводзяцца сістэматычна. «Сутнасць гэтага збору ў тым, што да ўдзельнікаў даведзены асаблівасці вядзення ўзброенай барацьбы на часова захопленай праціўнікам тэрыторыі, асноўныя тэндэнцыі змен ваенна-палітычнай абстаноўкі, падыходы Генштаба УС да арганізацыі і вядзення тэрытарыяльнай абароны», — адзначыў начальнік Генеральнага штаба — першы намеснік міністра абароны Беларусі Аляксандр Вальфовіч, перадае БелТА.

Была арганізавана дэманстрацыя ўзбраення, асаблівасцяў размяшчэння і парадку дзеянняў фарміраванняў тэрытарыяльных войскаў і падраздзяленняў сіл спецаперацый. Практычная частка збору ўключала адпрацоўку дзеянняў падраздзяленняў у населеным пункце і ў тыле праціўніка, у тым ліку з выкарыстаннем вадалазаў. Важнай часткай стала ўручэнне сцягоў тэрытарыяльнай абароны кіруючаму складу абласных і Мінскага гарадскога выканкамаў.

«Кожны мужчына павінен ведаць, як абараніць сваю сям'ю, а кіраўнік абавязаны разумець, як абараніць падуладны яму рэгіён. Змяняецца тэхніка, трэба ісці ў нагу з часам, разумець, з якой зброяй стаяць каля граніцы», — перакананы старшыня Віцебскага аблвыканкама Мікалай Шарснёў.

Пытанням тэрытарыяльнай абароны ўдзяляецца вялікая ўвага. 2020 год таксама будзе насычаны адпаведнымі мерапрыемствамі. Запланаваныя вучэнні ў Гродзенскай, Гомельскай і Магілёўскай абласцях, штабныя трэніроўкі. Акрамя таго, як паведаміў Аляксандр Вальфовіч, Генштабам будуць праведзены раптоўныя комплексныя праверкі раённых штабоў тэрытарыяльнай абароны.

Фота: БЕЛТА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.