VI Еўразійскі навукова-практычны студэнцкі форум "Аналітычная эканоміка і прагназаванне да 2030” пачне сваю працу 25 лютага.
Адкрые тэматычную праграму конкурс вучняў выпускных класаў школ “Фінансавая і лічбавая адукаванасць пакалення Z”. Яго ўдзельнікамі стануць 10 каманд старшакласнікаў з Мінскай, Віцебскай і Гомельскай абласцей. Школьнікам трэба будзе вырашыць фінансава-эканамічную крыжаванку і тэст, а таксама пазмагацца ў інтэлектуальным біятлоне. Пераможцы атрымаюць сертыфікаты і памятныя прызы.
Працягне цыкл мерапрыемстваў 28 лютага Алімпіяда па аналітычнай эканоміцы і прагназаванню. У фінальным паядынку выступяць 11 зборных: БДУ, БДЭУ, ГрДУ імя Янкі Купалы, МДУ імя М.В. Ламаносава, Пензенскага дзяржаўнага ўніверсітэта, Арэнбургскага дзяржаўнага ўніверсітэта, Нацыянальнага даследчага ўніверсітэта "Вышэйшая школа эканомікі”, Расійскага ўніверсітэта дружбы народаў, Яраслаўскага дзяржаўнага ўніверсітэта і Обнінскага інстытута атамнай энергетыкі. БДУ будзе прадстаўляць каманда эканамічнага факультэта “Random error”. Студэнты выканаюць задачы з вобласці эканомікі з выкарыстаннем камп'ютарных праграм, публічна прадставяць вынікі даследавання, праведзенага ў завочным туры.
У рамках форуму 28 лютага таксама пройдзе Міжнародная навуковая канферэнцыя "Тэндэнцыі эканамічнага развіцця ў XXI стагоддзя". У яе рабоце прымуць удзел навукоўцы, дактаранты, аспіранты, магістранты, спецыялісты эканамічных падраздзяленняў прадпрыемстваў, арганізацый, органаў дзяржаўнай улады і іншыя. Падчас секцый і пленарных пасяджэнняў даследчыкі ў вобласці экномікі прэзентуюць свае праекты, абмяняюцца меркаваннямі па праблемных пытаннях заяўленай тэматыкі. Па выніках канферэнцыі буудзе падрыхтаваны электронны зборнік матэрыялаў. Арганізатарам форуму выступае эканамічны факультэт БДУ.
Надзея НІКАЛАЕВА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.