Вы тут

У Міністэрства замежных спраў з'явіліся свае стыкеры ў «Вайберы» на беларускай мове


Гэты праект прэзентавалі на ўрачыстым мерапрыемстве да Міжнароднага дня роднай мовы, якое для МЗС стала традыцыйным і прайшло ўчора ў Нацыянальнай бібліятэцы.


Урыўкі з твораў аб сваёй айчыне на родных мовах прачыталі больш за 30 дыпламатаў. Усяго запрашэнне на свята прынялі каля 40 кіраўнікоў дыпламатычных місій, акрэдытаваных у нашай краіне. Сярод гасцей і прадстаўнікі міжнародных арганізацый, сябры Нацыянальнай камісіі Рэспублікі Беларусь па справах ЮНЕСКА, дзеячы культуры, навукі і адукацыі.

«Я хачу сказаць, наколькі мы ўсе ў Міністэрстве замежных спраў, былі крануты водгукам, які ўбачылі на наша запрашэнне, колькасцю сяброў, што прысутнічаюць сёння ў зале — паслоў, дыпламатаў, гасцей нашых беларусаў. Для нас гэта вельмі дарагі, каштоўны знак вашай увагі», — адзначыў намеснік міністра замежных спраў Беларусі Андрэй Дапкюнас.

Ён звярнуўся да гасцей мерапрыемства з пытаннем: наколькі патрэбна для дыпламатыі (прафесіі, якая карыстаецца некалькімі лінгва франка) родная мова? Моц на пабудову мірных зносін і навядзенне мастоў, на яго думку, дае менавіта матчына мова. «Я думаю, што людзі, якія навучыліся ў сваім жыцці шанаваць, любіць, абараняць сваю мову, свой народ, сваю зямлю, — яны маюць сілу, неабходную для таго, каб будаваць масты ўзаемаразумення», — падкрэсліў Андрэй Дапкюнас і пасля прачытаў верш Пімена Панчанкі «Родная мова».

Марыя ДАДАЛКА

Загаловак у газеце: Родная або Лінгва франка?

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.