Вы тут

«Лабараторыя» для падрыхтоўкі творчага настаўніка з’явілася ў БДПУ


Вучэбна-вытворчую майстэрню скульптуры і керамікі і харэаграфічную залу ўрачыста адкрылі на факультэце эстэтычнай адукацыі БДПУ. Пра гэта паведамілі ў прэс-службе ўніверсітэта.


Тут будуць навучацца будучыя настаўнікі выяўленчага мастацтва і народных мастацкіх промыслаў, камп'ютарнай графікі, музычнага мастацтва, рытмікі і харэаграфіі, сусветнай мастацкай культуры.

— Педагагічная ВНУ рыхтуе сёння настаўніка новай фармацыі. Яго місія — гарманічна і ўсебакова развіваць чалавека ХХI стагоддзя, яго інтэлектуальную і эмацыйную сферу на аснове спалучэння традыцый і інавацый, — адзначыў у прывітальным слове  рэктар БДПУ прафесар Аляксандр ЖУК. — Асабліва важна падрыхтаваць новае пакаленне настаўнікаў у прадметнай галіне мастацтва. Менавіта яны закліканы вырашаць задачы захавання культурнай разнастайнасці і ўнікальных мастацкіх практык, народных рамёстваў, танцаў, песень, развіцця нацыянальных мастацкіх і музычных традыцый.

БДПУ — у трэндзе змяненняў у сусветнай практыцы падрыхтоўкі творчага настаўніка. Новая майстэрня аснашчана самым сучасным тэхналагічным абсталяваннем. Тут ёсць амаль бясшумны ганчарны круг, які дазваляе ствараць  вырабы да 40 кілаграм вагой. Працаваць за ім можа як чалавек-правша, так і ляўшун. Закуплены дзве печы, якія дазваляюць абпальваць нават фаянс, фарфор (высокатэмпературныя белыя гліны) і эфектарныя глазуры. Маюцца падлогавыя турнеткі для хуткага і якаснага роспісу вырабаў і заняткаў скульптурай, сушыльная шафа і фарбавальная камера для глазуравання.

Добра абсталяваная і поліфункцыянальная зала.Тут будуць праходзіць заняткі па харэаграфіі, рытміцы, фітнесу і аэробіцы. Светлае і прасторнае памяшканне адпавядае сучасным тэхніка-акустычным патрабаванням. Па сутнасці, гэта творчая лабараторыя, дзе будуць нараджацца арыгінальныя мастацкія ідэі і задумы, у тым ліку і для вялікай сцэны.

Дарэчы, падчас цырымоніі адкрыцця студэнты факультэта паказалі, як працаваць за ганчарным кругам, распісваць керамічныя вырабы, прадэманстравалі мастацтва выканання паланэза ў гістарычных касцюмах розных эпох, а таксама сучаснага танца.

Надзея НІКАЛАЕВА

Фота прэс-службы БДПУ

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.