Вы тут

«Разумны кошык» пакіне крамы без чэргаў, касіраў і прадаўцоў


Апошняя распрацоўка навукоўцаў Беларускага дзяржаўнага універсітэта інфарматыкі і радыёэлектронікі — RFID-комплекс. Ён забяспечвае патрэбныя параметры «разумнага кошыку» — камфорт-сэрвісу, які пакажа назву і кошт тавара, «назаве» дакладную суму для аплаты і разлічыць пакупніка. Прысутнасць прадаўца пры гэтым не патрабуецца.


У аснове распрацоўкі — тэхналогія радыёчастотнай ідэнтыфікацыі (RFID). Яна лічыцца базавай тэхналогіяй у канцэпцыі «Інтэрнэт рэчаў». Кожны аб’ект, няхай гэта будзе тавар на паліцы ў магазіне або ў складскім памяшканні, маркіруецца лічбавым кодам — ​​радыёчастотнай пазнакай. У кожнай з іх — антэна з убудаваным мініяцюрным чыпам. У яго памяць можна запісаць не толькі інфармацыю аб тавары, але і з вонкавых датчыкаў. Гэта дазваляе адсачыць ланцужок паставак, а таксама асноўныя параметры асяроддзя, у якім знаходзіўся прадукт, і устанавіць, дзе і чаму пагоршылася яго якасць.

— Асноўная складанасць заключаецца не ў тым, каб устанавіць пазнаку, — тлумачыць дацэнт кафедры інфармацыйных радыётэхналогій БДУІР Валерый Кірыльчук. — Для эфектыўнага «счытвання» дадзеных яна павінна «падысці» да канкрэтнага тавару ў канкрэтных умовах. Значыць, яе трэба правільна выбраць і ўсталяваць з улікам параметраў маркіраваных тавараў і навакольнага асяроддзя.

RFID-комплекс — абсталяванне для даследавання асноўных параметраў пазнак і прылад счытвання. Распрацоўка павышае эфектыўнасць іх працы ў складаных умовах навакольнага асяроддзя.

— Незалежна ад таго, дзе знаходзіцца пазнака — у партманэ ў вашай кішэні ці ў галоўцы спакаванага сыру ў кошыку — пры неабходнасці яна павінна быць беспамылкова прачытана, а ў астатні час надзейна схавана і абаронена, — падкрэслівае вядучы інжынер кафедры інфармацыйных радыётэхналогій БДУІР Ігар Кіжлай,

У планах навукоўцаў універсітэта — адкрыць сертыфікаваную лабараторыю для даследавання і выпрабавання не толькі прылад RFID-сістэм, але і кампанентаў бесправадных сэнсарным сетак.

Надзея НІКАЛАЕВА

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.