На днях супрацоўнікі крымінальнага вышуку сталічнага ГУУС затрымалі дваіх гасцей нашай краіны, якія кралі пракатныя аўто ў Мінску.
Пачынаючы з кастрычніка мінулага года тры мінскія фірмы пацярпелі ад дзеянняў гэтых грамадзян. Ва ўсіх выпадках схема была аднолькавай: пасля афармлення дакументаў на арэнду даволі дарагіх машын арандатары знікалі разам з транспартнымі сродкамі.
Аператыўнікі ўстанавілі, што да ўсіх крадзяжоў датычны адзін мужчына, «каардынатар». Ён тройчы прыязджаў у Беларусь і пры кожным візіце прывозіў з сабой новага чалавека. Каардынатар забяспечваў яго фальшывымі дакументамі і плаціў каля 250 долараў, каб той аформіў арэнду на сябе. Сам пры гэтым заўсёды заставаўся ў цені.
Такім спосабам былі выкрадзены тры аўтамабілі агульным коштам каля 80 тысяч рублёў. Сталічныя сышчыкі затрымалі каардынатара і падстаўную асобу падчас чацвёртага візіту ў краіну.
Як паведамілі ў Галоўным ўпраўленні крымінальнага вышуку МУС Беларусі, падобныя злачынствы ў нашай краіне рэдкасць — у апошні раз такая схема зафіксавана два гады таму. Ва ўсіх выпадках злачынцы аказваліся замежнікамі. Як правіла, калі беларускі пашпарт нашы грамадзяне здолеюць адрозніць ад грубай падробкі, то пра фальшывыя пашпарты іншых дзяржаў даведацца больш складана.
МУС рэкамендуе ўладальнікам і работнікам пракатных фірмаў быць пільнымі пры афармленні здзелак. Акрамя капіравання дакументаў варта захоўваць яшчэ і актуальнае фота арандатара аўто.
Сяргей РАСОЛЬКА
Прэв'ю: pixabay.com
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
