Вы тут

У Маладзечне двое зламыснікаў напалі на работніка крамы і выкралі ўсю выручку


Каб ажыццявіць свае планы, яны зайшлі з чорнага ходу гандлёвага аб’екта і распылілі газ, паведамляе УУС Мінскага аблвыканкама.


Позна ўвечары на лінію 102 у Маладзечанскі РАУС паступіла паведамленне, што невядомыя праніклі ў краму адзення і абутку, размешчаную па вуліцы Прытыцкага, дзе, напаўшы на работніка і распыліўшы газ, выкралі з сейфа ўсю выручку.

Адразу ж на месца здарэння выехала следча-аператыўная група. Праваахоўнікі апыталі пацярпелага і вывучылі запісы з камер відэаназірання, размешчаных на бліжэйшых будынках. Было ўстаноўлена, што двое зламыснікаў праніклі ў краму праз незачыненыя службовыя дзверы з тарца будынка, пырснулі невядомым газам у твар 21-гадоваму работніку і, скарыстаўшыся збянтэжанасцю маладога чалавека, выкралі з сейфа 3 250 рублёў, пасля чаго зніклі ў невядомым накірунку. Пры гэтым, верагодна, каб навесці аператыўнікаў на няправільны след, сказалі работніку перадаць дырэктару “прывітанне ад таджыкаў”.

На вышук злачынцаў былі арыентаваны ўсе супрацоўнікі і нарады міліцыі, якія нясуць службу. Былі адпрацаваны меркаваныя шляхі адыходу рабаўнікоў і бліжэйшыя тэрыторыі, аднак затрымаць зламыснікаў па “гарачых” слядах не ўдалося. Была заведзена крымінальная справа за рабаванне, санкцыя якой прадугледжвае да шасці гадоў пазбаўлення волі.

У ходзе правядзення далейшых аператыўна-вышуковых мерапрыемстваў супрацоўнікі крымінальнага вышуку ўстанавілі меркаваных рабаўнікоў. Адным з іх апынуўся беспрацоўны жыхар Маладзечна, 26-гадовы грамадзянін Узбекістана. Як высветлілася, мужчына быў выдатна знаёмы з дырэктарам крамы і не раз бываў у яго, добра арыентаваўся ў памяшканні, ведаў, дзе размешчаны сейф і ключы, а таксама якая сума звычайна ў ім захоўваецца. Таму спланаваць злачынства для яго аказалася справай нескладанай, у памочнікі ён абраў сабе 21-гадовага беспрацоўнага жыхара Маладзечанскага раёна. У абодвух падазраваных гэта першы крымінальны выпадак у біяграфіі.

У хуткім часе аператыўнікі затрымалі мужчын. Тыя не сталі адмаўляцца і прызналіся ў зробленым. Ідэальны, з іх пункту гледжання, план яны выношвалі некалькі дзён, пільна сочачы за працаўнікамі крамы па вечарах. На злачынства, па словах падазраваных, іх падштурхнуў недахоп грошай. Верагодна, яны хацелі завалодаць некалькімі дзясяткамі тысяч рублёў. Аднак змоўшчыкам у той дзень не пашанцавала — у сейфе было крыху больш за 3000 рублёў. Як распавялі самі саўдзельнікі, здабычу яны падзялілі і накіраваліся “баляваць” у сталіцу. Частка выкрадзеных грошай была канфіскавана ў грамадзяніна Узбекістана, астатнія яны ўжо паспелі выдаткаваць.

Асноўны падазраваны арыштаваны, у дачыненні да яго саўдзельніка абрана мера стрымання ў выглядзе падпіскі аб нявыездзе і належных паводзінах.

Сяргей РАСОЛЬКА

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы.

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы.

Работа дзіцячых паліклінік, гэтак жа як і дарослых, змянілася з-за распаўсюджвання каранавіруснай інфекцыі.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.