Вы тут

Беларусь прыме ўдзел у Латвійскай кніжнай выстаўцы


Беларусь прыме ўдзел у Латвійскай кніжнай выстаўцы, піша БЕЛТА са спасылкай на ААТ "Белкніга".


Міжнародны выставачны цэнтр Кіпсала ў Рызе з 28 лютага па 1 сакавіка стане натхняльным горадам кніг, месцам сустрэчы пісьменнікаў, перакладчыкаў, выдаўцоў і чытачоў. Шырокі спектр сваёй найноўшай прадукцыі прапануюць латвійскія і замежныя выдавецтвы. У гэтым годзе ў Латвійскай кніжнай выстаўцы прымуць удзел больш за 100 прадпрыемстваў з 8 краін - Латвіі, Літвы, Эстоніі, Беларусі, Расіі, Турцыі, Францыі і Украіны.

На беларускім стэндзе, арганізатарамі якога выступілі Міністэрства інфармацыі і Саюз выдаўцоў і распаўсюджвальнікаў друку, будуць прадстаўлены навінкі беларускага кнігавыдання - гэта больш за 500 кніжных найменняў рознай тэматыкі. Асаблівая ўвага будзе ўдзелена тэмам 75-годдзя Перамогі савецкага народа ў Вялікай Айчыннай вайне і Года малой радзімы.

На стэндзе таксама будуць праходзіць пастаянныя прэзентацыі кніжных навінак выдавецтваў "Беларусь", "Мастацкая літаратура", "Белорусская Энциклопедия им. П.Бровки", "Вышэйшая школа", а таксама кніг - пераможцаў нацыянальнага і міжнароднага конкурсаў "Мастацтва кнігі". 29 лютага на стэндзе адбудзецца сустрэча з папулярнай беларускай пісьменніцай Наталляй Батраковай, у час якой аўтар прадставіць наведвальнікам выстаўкі і гасцям стэнда сваю дылогію "Міг бясконцасці". Дарэчы, апошняя кніга дылогіі - "Бясконцасць кахання, бясконцасць смутку. Кніга другая" - стала абсалютным лідарам продажаў сеткі магазінаў "Белкніга" ў 2019 годзе.

Прэв'ю: treewords.com

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.