Дапаможнік “Сусветная гісторыя 10 клас” распрацаваны пад рэдакцыяй загадчыка кафедры гісторыі старажытнага свету і сярэдніх вякоў гістарычнага факультэта Андрэя Прохарава, а “Грамадазнаўства. 9 клас” - загадчыка кафедры сацыялогіі ФФСН Аляксандра Данілава. У аўтарскія калектывы таксама ўвайшлі выкладчыкі БДУ, метадысты Нацыянальнага інстытута адукацыі і педагогі ўстаноў агульнай сярэдняй адукацыі.
Гэтыя поўнакаляровыя выданні адпавядаюць самым сучасным тэндэнцыям сусветнай вучэбнай літаратуры, уключаюць у сябе вялікую колькасць ілюстрацый, табліц і схем. Адметнасцю дадзеных кніг з'яўляецца выкарыстанне ў іх тэхналогій дапоўненай рэальнасці. Кожнаму заданню ў падручніках прысвоены QR-код. Ён перанакіроўвае чытача да дадатковых матэрыялаў або анлайн-форм з тлумачэннем алгарытму выканання заданняў.
Падручнік “Сусветная гісторыя 10 клас” ахоплівае гістарычны перыяд, пачынаючы са старажытнага свету і да XVIII стагоддзя ўключна. Параграфы ўтрымліваюць тэарэтычны матэрыял, пытанні і практычныя заданні. У дапаможніку ёсць слоўнік гістарычных тэрмінаў і паняццяў, храналагічная табліца і карты. Таксама матэрыялы падручніка дапамогуць сістэматызаваць веды школьнікаў у рамках пройдзенага курсу па сусветнай гісторыі за 5-9 класы.
Дапаможнік “Грамадазнаўства для навучэнцаў 9 класаў” складаецца з чатырох тэматычных раздзелаў, выніковага абагульнення пройдзенага матэрыялу, а таксама асноўных паняццяў і памятак для выканання заданняў. Акрамя таго, для павышэння цікавасці школьнікаў да навукі ў кожным раздзеле прапануюцца тэмы для самастойнага выканання праектаў у рамках заняткаў.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
