Вы тут

Генеральны сакратар IBU: "Раўбічы" - выдатная пляцоўка для міжнародных спаборніцтваў па біятлоне


Рэспубліканскі цэнтр "Раўбічы" з'яўляецца выдатнай пляцоўкай для правядзення міжнародных спаборніцтваў па біятлоне. Пра гэта сёння на цырымоніі адкрыцця чэмпіянату Еўропы сказаў генеральны сакратар IBU Ніклас Карлсан, перадае БЕЛТА.


"Ад імя Міжнароднага саюза біятланістаў хачу павіншаваць арганізацыйны камітэт, ён змог у такія кароткія тэрміны, насуперак цяжкім умовам арганізаваць спаборніцтвы. Вашыя старанні і аб'ём праведзенай работы ўражваюць, - падкрэсліў Ніклас Карлсан. - "Раўбічы" - гэта выдатная пляцоўка для правядзення чэмпіянату Еўропы і іншых міжнародных спаборніцтваў па біятлоне".

Намеснік міністра спорту і турызму Беларусі Аляксандр Барауля выказаў падзяку Міжнароднаму саюзу біятланістаў за прадстаўленую магчымасць прыняць важныя спаборніцтвы. "Аргкамітэт прыклаў усе намаганні, каб спаборніцтвы прайшлі ў камфортных умовах для ўсіх удзельнікаў і гледачоў", - дадаў ён.

Чэмпіянат Еўропы па біятлоне стартуе сёння ў 13.00 кваліфікацыяй суперспрынту ў мужчын.

Прэв'ю: sport.ru

Выбар рэдакцыі

Палітыка

«Рэальнае жыццё нi ў якi нават самы дасканалы закон не ўмесцiш»

«Рэальнае жыццё нi ў якi нават самы дасканалы закон не ўмесцiш»

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.

Грамадства

Намеснік міністра аховы здароўя Алена Богдан: Сітуацыя з каранавірусам застаецца кантраляванай

Намеснік міністра аховы здароўя Алена Богдан: Сітуацыя з каранавірусам застаецца кантраляванай

У Беларусі з моманту выяўлення першага выпадку COVID-19 зарэгістравана 351 інфікаваных.