Тры беларускія біятланісты выйшлі ў фінал суперспрынта на чэмпіянаце Еўропы ў "Раўбічах", паведамляе БЕЛТА.
Беларус Антон Смольскі паказаў лепшы вынік, пераадолеўшы дыстанцыю за 7 мін. 53,4 сек. Яго таварыш па камандзе Віктар Крыўко стаў трэцім (адставанне 14,7 сек.). На другой пазіцыі размясціўся расіянін Эдуард Латыпаў (адставанне 14,3 сек.).
Яшчэ адзін беларус Сяргей Бачарнікаў размясціўся на 17-м месцы выніковага пратаколу (адставанне 37,6 сек.).
У фінал, які пачнецца сёння ў 17.30, выходзяць 30 лепшых спартсменаў па выніку гонкі.
Працягнуцца спаборніцтвы сёння кваліфікацыяй суперспрынта ў дзяўчат. Сярод беларускіх спартсменак адабрацца ў лік фіналістак паспрабуюць Алена Кручынкіна, Ірына Крыўко, Дынара Алімбекава, Ганна Сола, Ірына Кручынкіна і Адэліна Сабітава.
Усяго ўдзел у кантынентальным форуме ў складзе 40 каманд бяруць каля 300 спартсменаў.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».