22 кастрычніка, чацвер

Вы тут

Сёлетняя вясна будзе цяплейшай за звычайную


Сярэдняя тэмпература зімы 2019–2020 гадоў у нашай краіне склала плюс 1,5 градуса. Гэта на 5,5 градусаў вышэй за кліматычную норму. Як адзначыла на прэс-канферэнцыі ў прэс-цэнтры Дома прэсы намеснік начальніка ДУ «Рэспубліканскі цэнтр гідраметэаралогіі, кантролю радыеактыўнага забруджвання і маніторынгу навакольнага асяроддзя» Святлана Кузьміч, такая цёплая зіма на тэрыторыі Беларусі адзначаецца ўпершыню за ўвесь час інструментальных нацыянальных назіранняў (140 гадоў). 


Згодна з нацыянальнымі нормамі тэмпературы ў халодны перыяд, кліматычная зіма на тэрыторыі нашай краіны так і не наступіла. Ва ўсе зімовыя месяцы так і не адбыўся пераход сярэдняй тэмпературы праз нуль у бок паніжэння. На гэты раз мы атрымалі сярэднееўрапейскую зіму, якая адзначаецца станоўчымі тэмпературамі, змяшанымі ападкамі ў выглядзе мокрага снегу і дажджу, а таксама поўнай адсутнасцю снежнага пакрову. 

Разам з тым, галоўны навуковы супрацоўнік Цэнтра кліматычных даследаванняў Інстытута прыродакарыстання НАН Беларусі Уладзімір Логінаў адзначае, што ў Еўропе такая анамальна цёплая зіма ўжо назіралася 200 гадоў таму назад. Ёсць дакладныя звесткі, што ў 1819 годзе ў Еўропе ў лістападзе і снежні квітнелі сады.

Сярэдняя тэмпература вясной у нашай краіне складае плюс 6,9 градусаў. У сакавіку — плюс 0,2 градуса, у красавіку — плюс 7,3 градуса, у маі — 13,3 цяпла. Дык вось, згодна з сінаптычнымі мадэлямі кліматычнага цэнтра СМА ў Беларусі ў сакавіку і красавіку сярэдняя тэмпература будзе на 0,5–1 градус вышэйшай за кліматычную норму. А ападкі будуць у межах нормы. 

Сяргей КУРКАЧ

Прэв'ю: meteoprog.ua

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.