Вы тут

2-3 сакавіка БРСМ правядзе ў Мінску фінал праекта "100 ідэй для Беларусі"


Мерапрыемствы дзявятага па ліку сезона рэспубліканскага праекта пройдуць пад эгідай экалагічнай тэматыкі з захаваннем пры афармленні пляцоўкі брэндбука праекта і эка-стылю, дызайнерскім адзеннем для валанцёраў ад беларускай кампаніі Zen Wear, мадэльнай фотазонай з 3D-прататыпам узнагароды -- унікальнай статуэткі, выкананай у арыгінале з дрэва.


У першы дзень (2 сакавіка, панядзелак) увазе ўдзельнікаў Гранд фіналу арганізатары прапануюць: Speech-сесію па запуску праекта на рынку, пошуку інвестараў і пабудове матывацыйнай стратэгіі ў камандзе з выступленнем вядучых спікераў і бізнес-трэнераў ад IT-акадэміі адукацыйнага цэнтра праграмавання і высокіх тэхналогій і ТАА “ІнКата” і ўпершыню -- інтэлектуальную віктарыну “ПРА100 QUIZ”.

Цэнтральныя падзеі фіналу разгорнуцца ў другі дзень (3 сакавіка, аўторак). З 9.30 да 16.00 удзельнікі Гранд фіналу будуць абараняць свае распрацоўкі перад экспертным Саветам, у які ўвайшлі прадпрымальнікі, прадстаўнікі сфер па напрамках праекта, а таксама пераможцы праекта мінулых гадоў. Кожнаму фіналісту на абарону праекта разам з пытаннямі экспертаў адводзіцца не больш за пяць хвілін.

З 11.00 у канферэнц-цэнтры гатэля “Марыёт” разгорнецца выстава-прэзентацыя маладзёжных інавацыйных праектаў “Навігатар ідэй”. Яе экспазіцыю складуць больш за сто аўтарскіх распрацовак -- пераможцаў адборачных тураў конкурсу ў дзесяці кластарах: “Грамадства, эканоміка і сацыяльная сфера”, “Прамысловыя і будаўнічыя тэхналогіі і вытворчасць”, “Рацыянальнае прыродакарыстанне і глыбокая перапрацоўка прыродных рэсурсаў”, “Інфармацыйна-камунікацыйныя і авіякасмічныя тэхналогіі”, “Бія- і нанаіндустрыі”, “Энергетыка, у тым ліку атамная энергетыка, і энергаэфектыўнасць”, “Медыцына, фармацыя, медыцынская тэхніка”, “Хімічныя тэхналогіі, нафтахімія”, “Нацыянальная бяспека і абараназдольнасць, абарона ад надзвычайных сітуацый”, “Аграпрамысловыя тэхналогіі і вытворчасць”.

У 12.00 прагучаць фанфары афіцыйнай цырымоніі адкрыцця Гранд фіналу з удзелам ганаровых гасцей. Падчас цырымоніі ўпершыню прагучыць гімн конкурсу, спецыяльна напісаны да закрыцця чарговага сезона “100 ідэй для Беларусі”..

Самая доўгачаканая падзея рэспубліканскага фіналу -- урачыстае ўзнагароджанне пераможцаў (16.30) з уручэннем дыпломаў, экастатуэтак і каштоўных падарункаў ад партнёраў праекта.

У адпаведнасці з палажэннем праекта будуць вызначаны 20 пераможцаў у дзесяці намінацыях у двух узроставых катэгорыях: першая -- навучэнцы, другая -- студэнцкая і працоўная моладзь, маладыя навукоўцы. Яны будуць намініраваныя на гранты Беларускага інавацыйнага фонду. Дзесяць аўтараў найбольш перспектыўных праектаў атрымаюць ад фонду грашовыя сродкі ў памеры да 40 тарыфных ставак на распрацоўку бізнес-планаў для іх далейшага ўдзелу ў штогадовым рэспубліканскім конкурсе інавацыйных праектаў.

Арганізатарамі рэспубліканскага маладзёжнага праекта "100 ідэй для Беларусі” выступаюць БРСМ, Міністэрства адукацыі, Дзяржаўны камітэт па навуцы і тэхналогіях Рэспублікі Беларусь.

Сёлета фінал праекта пройдзе па адрасе: г. Мінск, праспект Пераможцаў, 20, канферэнц-цэнтр гатэля “Марыёт”.

Сяргей РАСОЛЬКА

Выбар рэдакцыі

Грамадства

Прыехаць за 30 хвiлiн. Як у аварыйных выпадках павiнны рэагаваць камунальнiкi

Прыехаць за 30 хвiлiн. Як у аварыйных выпадках павiнны рэагаваць камунальнiкi

У Беларусi дзейнiчае такi дакумент, як «Тэхнiчная эксплуатацыя жыллёвых i грамадскiх будынкаў i збудаванняў. Парадак правядзення».

Грамадства

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Як у магiлёўскiх хлопчыкаў i дзяўчынак фармiруюць асновы крэатыўнага мыслення

Школа «Альфа+» iснуе ў Магiлёве ўсяго год, але ў яе ўжо ёсць пастаянныя наведвальнiкi.

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.