Вы тут

З-за складанасцяў у пошуку запчастак для аўто мінчанін скраў чужую машыну


Сталічныя аператыўнікі затрымалі мужчыну, які скраў аўтамабіль Ford Orion 1986 года выпуску.


У Маскоўскае РУУС г. Мінска звярнуўся жыхар раёна, які паведаміў: прыпаркаваны каля дома аўтамабіль знік. Супрацоўнікі аддзела крымінальнага вышуку ўстанавілі, што да крадзяжу аказаўся датычны 33-гадовы мінчанін.

Паводле аператыўнай інфармацыі, падазраваны праязджаў па вуліцы Ясеніна, дзе звярнуў увагу на транспартны сродак, які быў аналагічны па характарыстыках да яго аўтамабіля. Гэтая акалічнасць, са слоў падазраванага, і падштурхнула на крадзеж. Спачатку мужчына скраў з машыны дэталі, якія былі неабходны для ўласнага аўтамабіля, а пасля і зусім адбуксіраваў яго ў гаражны кааператыў, размешчаны ў Фрунзенскім раёне сталіцы, паведамілі ў МУС.

Праваахоўнікам мужчына растлумачыў, што ўкраў машыну з-за таго, што на яго ўласнае аўто было складана знайсці запчасткі, а транспартны сродак пацярпелага як раз быў такой жа маркі. Вядома, што астатнюю частку аўтамабіля мужчына збыў у пункт перапрацоўкі другаснай сыравіны. Раней затрыманы да крымінальнай адказнасці не прыцягваўся.

Сяргей РАСОЛЬКА

Прэв'ю: колор-сервис.рф

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.