Вы тут

Літаратурны конкурс: запрашаем да ўдзелу!


Неўзабаве вясна, і зноў “Алеся” запрашае сваіх чытачак і чытачоў стаць стваральнікамі ўжо традыцыйнага “Літаратурнага выпуску” нашага часопіса. Пішаце вершы ці прозу? Прапануем вам падзяліцца плёнам свайго натхнення, прадэманстраваць здольнасці да мастацкага слова.

Імкненне да творчасці ўласцівае многім людзям незалежна ад узросту і прафесіі. Кожны год, знаёмячыся з матэрыяламі літаратурнага конкурсу, мы ўпэўніваемся, як многа сярод вас талентаў. У мастацкіх тэкстах нашы чытачы расказваюць пра ўсё, што іх хвалюе: гэта могуць быць моманты з уласнага жыцця, перажыванні, якія ўзніклі ў сувязі з векапомнымі падзеямі, эмоцыі ад сустрэч з прыродай і г. д. Літаратурны выпуск “Алесі” – тая пляцоўка, дзе вашы творчыя работы атрымаюць шырокі розгалас.

Часопіс выйдзе ў ліпені 2020 года. Прыём творчых работ ажыццяўляецца да 1 чэрвеня. Рэдакцыйны савет “Літаратурнага выпуску” ўзначаліць пісьменніца Алена БРАВА.

Да ўдзелу ў конкурсе прымаюцца вершы, творы малой прозы – апавяданні, эсэ (умоўны аб’ём – да 10 тыс. камп’ютарных знакаў). Твор павінен быць арыгінальны. Дасылайце вашы работы на адрас: 220013, г. Мінск, вул. Б. Хмяльніцкага, 10а, Выдавецкі дом “Звязда”, часопіс “Алеся”, альбо на электронны адрас: a.chasopis@yandex.by. Прапануючы нам свае творы для публікацыі, тым самым вы даяце згоду на іх размяшчэнне ў часопісе бязвыплатна, а таксама несяце адказнасць перад трэцімі асобамі за парушэнне аўтарскіх правоў. Па вашым жаданні, твор можа быць надрукаваны пад псеўданімам, але просім аўтараў абавязкова пазначаць для рэдакцыі поўнае імя і прозвішча, а таксама паштовы адрас і кантактны тэлефон для сувязі. Рукапісы не вяртаюцца і не рэцэнзуюцца. Тэлефон для даведак: (8-017) 287-17-59.

Чакаем вашых твораў. Поспеху ўсім удзельнікам літаратурнага конкурсу!

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.