Вы тут

Што адбылося за тыдзень у Савеце Рэспублікі


Сталіца: вынікі і задачы

Старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец узяў удзел у пасяджэнні адміністрацыі Заводскага раёна Мінска.

Былі разгледжаны вынікі сацыяльна-эканамічнага развіцця раёна за 2019 год і задачы на 2020-ы, ход выканання структурнымі падраздзяленнямі адміністрацыі Заводскага раёна Комплексу мер па прыцягненні замежнай бязвыплатнай дапамогі ў Рэспубліку Беларусь на перыяд да 2020 года і іншыя пытанні.

Пасля заканчэння пасяджэння парламентарый адказаў на пытанні, якія датычыліся ўдасканалення палажэнняў Закона Рэспублікі Беларусь «Аб ахове працы» ў частцы прафілактыкі вытворчага траўматызму і адказнасці наймальнікаў за незабеспячэнне бяспечных умоў працы.

У рамках абмеркавання дасягнута папярэдняя дамоўленасць аб правядзенні парламентарыем у сакавіку выязнога прыёму грамадзян у адміністрацыі Заводскага раёна сталіцы.


Старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец узяла ўдзел у пасяджэнні адміністрацыі Савецкага раёна Мінска.

Былі абмеркаваны вынікі сацыяльна-эканамічнага развіцця раёна і выкананне бюджэтнага каштарыса адміністрацыі за мінулы год, пастаўлены задачы на 2020 год, а таксама разгледжаны іншыя пытанні.

Выступаючы па пытанні «Аб выніках выканання бюджэтнага каштарыса адміністрацыі Савецкага раёна Мінска за 2019 год і стане ўнутрыгаспадарчага кантролю», парламентарый засяродзіла ўвагу прысутных на неабходнасці безумоўнага выканання заканадаўства ў частцы ўнясення змяненняў у бюджэтны каштарыс раёна. «Пераразмеркаванне гадавых планавых асігнаванняў па артыкулах расходаў неабходна рабіць у выключных выпадках, старанна аналізуючы прапановы арганізацый», — рэзюмавала Таццяна Рунец.

Акрамя таго, сенатар звярнула ўвагу кіраўніцтва раёна на важнасць правядзення комплекснай работы па зніжэнні сумы дэбіторскай запазычанасці ў цэлым па раёне, а таксама памяншэнні колькасці стратных арганізацый.


Чым жыве рэгіён?

Старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіл Русы ўзяў удзел у пасяджэнні сесіі Кармянскага раённага Савета дэпутатаў.

Акрамя таго, у рамках адзінага дня інфармавання парламентарый наведаў філіял ААТ «Гомельлён» «Кармянскі льнозавод» Гомельскай вобласці.


Сяброўства на ўзроўні парламентаў

Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў узяў удзел у пасяджэнні рабочай групы Нацыянальнага сходу па супрацоўніцтве з Парламентам Фінляндскай Рэспублікі.

Падчас пасяджэння былі разгледжаны пытанні развіцця беларуска-фінляндскіх адносін, перададзена запрашэнне членам рабочай групы Нацыянальнага сходу ад кіраўніка фінляндскай групы дружбы з Беларуссю наведаць Хельсінкі з візітам.

Прэв'ю: the-village.me

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.