Вы тут

Гандаль паміж Беларуссю і ЗША летась павялічыўся на 20 працэнтаў


Пра гэта паведаміў старшыня Пастаяннай камісіі Палаты прадстаўнікоў Нацыянальнага сходу Беларусі па жыллёвай палітыцы і будаўніцтве Віктар НІКАЛАЙКІН падчас сустрэчы з супрацоўнікамі міністэрства гандлю ЗША.


«За 2019 год знешнегандлёвы абарот таварамі паміж нашымі краінамі склаў больш за 850 мільёнаў долараў. Гэта рост на 20 працэнтаў у параўнанні з папярэднім годам. А экспарт паслуг, якія паставілі нашы кампаніі ў Злучаныя Штаты Амерыкі, ужо наблізіўся да мільярда долараў. Штогод колькасць арганізацый з амерыканскім капіталам павялічваецца. Гэта радуе і сведчыць аб тым, што мы знаходзімся апошнія гады на правільным шляху», — адзначыў дэпутат.

На яго думку, такім дасягненням спрыяюць у тым ліку візіты афіцыйных асоб, якія летась актывізаваліся. Віктар Нікалайкін выказаў упэўненасць, што і цяперашні візіт паспрыяе далейшаму развіццю адносін не толькі ў гандлі, але і ў іншых сферах.

Старшыня камісіі нагадаў, што хоць Беларусь і адносіцца афіцыйна да Усходняй Еўропы, геаграфічна знаходзіцца ў цэнтральнай частцы, а значыць, і ў вельмі выгадных гандлёвых умовах.

«Сёння для нас вельмі важны досвед іншых краін, у тым ліку такой вялікай дзяржавы, як Злучаныя Штаты Амерыкі. І мы з задавальненнем гатовыя яго выкарыстоўваць, у тым ліку на заканадаўчым узроўні», — звярнуўся да супрацоўнікаў амерыканскага міністэрства дэпутат.

У сваю чаргу, другі сакратар пасольства ЗША ў Беларусі Моніка СЭНДАР падкрэсліла, што мэта візіту — менавіта вывучыць магчымасці ўдасканалення заканадаўства, садзейнічаць абменам і адшукаць новыя магчымасці для супрацоўніцтва паміж Беларуссю і Штатамі.

Варвара МАРОЗАВА

Прэв'ю: zen.yandex.by

Загаловак у газеце: Прыбытак у бюджэце і сяброўстве

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.