Вы тут

БЧ: Кожны чацвёрты білет — электронны


Сёння ў ведамстве БЧ практычна цалкам гатовыя абслугоўваць усіх пасажыраў па электронных праязных дакументах. «Галоўнае, — адзначае Аляксандр Дрожжа, — каб гэта было зручна кліентам, каб пасажыр да гэтага прывык і карыстаўся сэрвісам». Усяго летась праз сайт дарогі прададзена больш за тры мільёны электронных праязных дакументаў — гэта 25 % ад агульнай колькасці рэалізаваных білетаў на цягнікі з пранумараванымі месцамі. Гэта значыць, кожны чацвёрты дакумент, які набылі пасажыры, быў электронны.


Летась праведзена сур'ёзная работа па ўдасканаленні на сайце аддзела «Паслугі пасажырам». «Мы распрацавалі і ўкаранілі мабільную праграму для куплі білетаў, прычым праз яе можна набыць білет не толькі на цягнік з пранумараванымі месцамі, але і з непранумараванымі, гэта значыць на цягнікі рэгіянальных напрамкаў. У выніку доля электронных праязных у агульнай колькасці прададзеных білетаў за студзень 2020 года вырасла да 30 %, — паведаміў першы намеснік начальніка пасажырскай службы. — Мы заклікаем сваіх кліентаў актыўна карыстацца гэтым сэрвісам, гэта зручна, хутка, сучасна і не трэба стаяць у чэргах».

Практычна ўсе цягнікі маюць электронную рэгістрацыю. «Засталося літаральна некалькі саставаў, якія яе не маюць. Гэта, на жаль, цягнікі з Украінай. Але ў гэтым годзе мы гэтае пытанне з украінскімі калегамі абавязаны вырашыць».

Сёлета будзе працягнутая работа па забеспячэнні магчымасці аплаты паслуг чыгункі непасрэдна па шляху руху па безнаяўным разліку. Цяпер разлічыцца за гарбату, печыва і бялізну ў цягніку можна будзе з дапамогай банкаўскай карткі не толькі на тэрыторыі нашай краіны, але і за яе межамі.

Цягнікі лакаматыўнай цягі — толькі ўначы

А ўсё таму, што вырашылі працягнуць практыку адмовы ад такіх цягнікоў у дзённы час. Узамен звыклых плацкартаў на лініях з'яўляецца ўсё больш маторвагонных саставаў.

— Мы спрабуем зрабіць цягнікі зручнымі і камфортнымі, — падкрэсліў прадстаўнік БЧ. — Цяпер па Беларусі актыўна ездзяць электра- і дызель-цягнікі Stаdlеr і Реsа — усяго 34 саставы. Летась набыты тры новыя дызель-цягнікі Реsа шасцівагоннай кампаноўкі. Са снежня яны курсіруюць у напрамку Мінск — Віцебск. Цяпер шлях паміж двума гэтымі гарадамі займае тры гадзіны. Часам трохі больш — у залежнасці ад часу сутак.

Зусім хутка парк чыгункі папоўніцца яшчэ трыма такімі цягнікамі. Саставы будуць абслугоўваць лініі Мінск — Магілёў і Мінск — Гродна. Гэтую ідэю плануем рэалізаваць ужо ў 2020 годзе.

Пашыраем геаграфію палётаў

Нацыянальны авіяперавозчык рыхтуецца асвоіць сёлета адразу некалькі напрамкаў. У якія новыя аэрапорты паляцяць беларускія самалёты, расказала начальнік службы маркетынгу і знешнеэканамічнай дзейнасці «Белавія» Кацярына Радзішэўская.

Яна адзначыла, што ў «Белавія» дастаткова развітая сетка рэгулярных маршрутаў. Нашы самалёты лётаюць у 55 аэрапортаў 39 краін свету. Летась упершыню ў гісторыі авіякампаніі гадавы пасажырапаток перавысіў чатыры мільёны чалавек. Гэта стала магчыма дзякуючы гнуткай тарыфнай палітыцы і развіццю геаграфіі палётаў.

Летась было адкрыта адразу некалькі новых напрамкаў — рэгулярныя рэйсы ў Талін, Мюнхен. «Увесну мы плануем адкрыць уласны штодзённы рэгулярны рэйс у Вену. Таксама ёсць намер зрабіць рэйсы ў Актау (Казахстан), іспанскі Рэус і сталіцу Узбекістана Ташкент», — адзначыла Кацярына Радзішэўская.

Летась кампанія набыла шэсць самалётаў: два Bоеіng 737-800 і чатыры Еmbrаеr. Сёлета ў красавіку чакаецца прыбыццё яшчэ аднаго Еmbrаеr у рамках падпісаных раней кантрактаў. Акрамя таго, нядаўна з лізінгавай кампаніяй падпісана пагадненне на пастаўку трох Еmbrаеr новага пакалення. Першы сучасны лайнер плануюць атрымаць у снежні. Самалёты гэтага тыпу вельмі палюбіліся пасажырам дзякуючы камфорту.

Сяргей КУРКАЧ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.