03 снежня, чацвер

Вы тут

Загаўліны перад Папяльцом


У вёсках на Ашмяншчыне перад каталіцкім Велікодным постам спрадвеку адзначалі загаўліны — вясёлае застолле-ігрышча. Праводзілася яно ў «тлусты аўторак» надвячоркам за апетытнымі стравамі з гармонікам і бубнам, з песнямі і танцамі. Назаўтра, у сераду, людзі ішлі ў касцёл і пасыпалі галовы попелам, пачынаўся пост. Нездарма казалі: загаўліны перад Папяльцом. У вёсцы Кальчуны пяты год запар, з нагоды «запустаў» Цэнтр культуры і вольнага часу наладжвае народнае свята. Гэтым разам работнікі ўстановы і ўдзельнікі мастацкай самадзейнасці пранеслі па вёсцы, развітваючыся з зімою, — саламянае пудзіла, палілі вогнішча, у якое кідалі старыя рэчы. Гасцей сустракалі гарачымі блінамі і песнямі. У клубным памяшканні правялі інтэрактыўны спектакль пад назвай «прабачальная бяседа». Тут можна было ўбачыць, як хлопцам прывязвалі «калоды», каб жаніліся, паслухаць дзяўчат-весялушак, як яны адна перад адной ліха сыпалі прыпеўкамі. Мясцовыя артысты з гуртоў «Скарбніца» і «Вечарынка», «Жытніца» і «Валычанка» далучалі гледачоў да песеннага скарбу. А «разынкай» бяседы стала рытуальнае накрыванне хлеба і напояў даматканым ручніком і кажухом — гэта старажытны звычай-абярэг, каб не зводзіўся род, каб былі дабрабыт і шчасце.


Калісьці прабачальныя «загаўліны» таленавітыя жыхаркі з Кальчуноў паказвалі па беларускім тэлебачанні ў праграме «Вячоркі». Цяпер гэты вясковы звычай стаў брэндам усяго раёна.

Анатоль Кляшчук, фота аўтара


Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.