Вы тут

Прышчэпка пладовых дрэў вясной: тэрміны і спосабы


Амаладзіць дрэва, якое стала менш пладаносіць, або атрымаць ураджай розных сартоў з аднаго дрэва дапаможа прышчэпка. Расліны можна прышчапляць на працягу ўсяго года, але найбольш натуральная і эфектыўная вясновая прышчэпка.


Найлепшы час — з сакавіка да пачатку чэрвеня, калі адбываецца актыўны рух соку ў прышчэпку, — расліне, на якую будзе прышчапляцца чаранок (прышчэпа) іншай расліны. Костачкавыя пароды дрэў (абрыкос, вішня, сліва) рэкамендуецца прышчапляць у канцы сакавіка — пачатку красавіка, а семечкавыя (груша, яблыня, айва) — у пачатку красавіка — сярэдзіне чэрвеня.

Для вясновай прышчэпкі тэмпература паветра павінна замацавацца на адзнацы не менш за 10 °С днём і 0 °С уначы.

Спосабы

Існуе некалькі спосабаў прышчэпкі пладовых дрэў, якія традыцыйна выкарыстоўваюцца вясной.

  • Палепшаная капуліроўка пладовых дрэў найпрасцейшая ў выкананні і пры гэтым эфектыўная. Яе праводзяць ранняй вясной, да таго як набракнуць пупышкі. Падыходзіць для яблыні, грушы, алычы, слівы, чарэшні, вішні, вінаграду.
  • Прышчэпка за кару — ідэальны спосаб для прышчэпкі дарослых (узросту 3—10 гадоў) дрэў або для работы з тоўстым прышчэпкам. Аптымальны тэрмін для правядзення — падчас руху соку, калі кара добра аддзяляецца ад драўніны. Падыходзіць для яблыні, грушы і іншых семечкавых культур.
  • Прышчэпка ў расшчэп — адзін з найбольш хуткіх спосабаў. Час для прышчэпкі — да таго, як пачнецца рух соку і прачнуцца пупышкі. Падыходзіць для яблыні, грушы, алычы, слівы, чарэшні, вінаграду.

Аптымальны дыяметр прышчэпка — ад 0,7 см, прышчэпы — 0,7—1,5 см.

Час

  • Тэрміны прышчэпкі абрыкоса выпадаюць на канец красавіка — пачатак мая. Часцей за ўсё выкарыстоўваюць прышчэпку ў расшчэп, за кару (у пачатку руху соку) і мастком (падчас актыўнага руху соку).
  • Тэрміны прышчэпкі яблыні: сакавік—красавік (прышчэпка чаранкамі), красавік — пачатак мая (акуліроўка, або прышчэпка вочкам).
  • Тэрміны прышчэпкі грушы: да распускання пупышак (прышчэпка за кару), пачатак руху соку (прышчэпка мастком), пачатак красавіка (у расшчэп), з сярэдзіны вясны (у бакавы зарэз).
  • Тэрміны прышчэпкі вішні — час актыўнага руху соку. Магчымая і летняя прышчэпка, але ў гэтым выпадку (асабліва познім летам) існуе рызыка таго, што прышчэпа не прыжывецца.
  • Прышчэпка слівы вясной, тэрміны якой выпадаюць на яе пачатак (у некаторых рэгіёнах — канец лютага), праводзіцца, напрыклад, у расшчэп і за кару.
  • Тэрміны прышчэпкі чарэшні — з пачаткам руху соку. Таксама прышчэпкі праводзяць на працягу ўсяго лета аж да верасня.

Ірына ТАМКОВІЧ

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.