Вы тут

Хатняя энцыклапедыя. Робім смачныя букеты з пячэння і садавіны


Салодкі падарунак, несумненна, прыйдзецца па душы і густу кожнай жанчыне, асабліва калі гэта букет, зроблены сваімі рукамі.


З пячэння

Спатрэбіцца: шпажкі для шашлыка, пячэнне рознай формы і памеру і мармеладкі.

У першую чаргу на шпажку наколваецца мармелад, гэта трэба для таго, каб печыва не слізгала. Далей нанізваецца печыва. Пячэнькі могуць адрознівацца і па форме і па памеры, а завяршаюць фарміраванне кветкі мармеладам. Можна зрабіць некалькі такіх кветак і паставіць у прыгожую вазачку ці шклянку.

А для раўнавагі, каб шклянка моцна стаяла і не падала, можна напоўніць яе каляровымі дражэ.

Каб салодкі букет атрымаўся не толькі смачным, але і прыгожым, лепш за ўсё выкарыстоўваць каляровы мармелад, а пячэнне можна падабраць, зыходзячы з пераваг чалавека, для якога букет прызначаны ў якасці падарунка.


З садавіны

Перад тым як прыступіць да стварэння букета, вызначцеся з каляровай гамай. Арганічней за ўсё глядзяцца кампазіцыі, у якіх прысутнічаюць два-тры колеры.

Садавіну для букета можна выкарыстоўваць любую. Выбірайце прыгожыя шчыльныя непераспелыя плады без якіх-небудзь пашкоджанняў. Сакавітыя фрукты могуць пацячы.

Усё адабранае неабходна памыць і добранька працерці, каб прыбраць вільгаць.

Для мацавання спатрэбяцца драўляныя шпажкі. Іх ідэальная даўжыня — 30 см, мінімум — 25 см. Калі выкарыстоўваць кароткія, сабраць букет будзе вельмі складана. Шпажак для аднаго фрукта спатрэбіцца некалькі штук.

Таксама неабходна падрыхтаваць скотч, нажніцы, упаковачную паперу і стужку або вяровачку. Паперу падбірайце пад каляровую гаму букета.

Садавіну варта дапоўніць дэкаратыўнай ці жывой зелянінай. А яшчэ ў букет дадаюць сухафрукты, ягады, гародніну, кветкі, цукеркі і розныя тэматычныя ўпрыгажэнні.

Насадзіце садавіну і іншыя элементы на шпажкі.

Устаўце іх у кожны фрукт на некаторай адлегласці адну ад адной, не пратыкаючы наскрозь. Калі плод маленькі, дастаткова будзе адной палачкі. Для больш буйных выкарыстоўвайце мінімум дзве-тры шпажкі.

Пераканайцеся, што плады шчыльна сядзяць на шпажках. Для гэтага патрасіце фрукт, трымаючы яго за ўваткнутыя палачкі. Калі ён не злятае, то ўсё ў парадку.

Садавіну для букета можна разрэзаць. Вельмі прыгожа глядзяцца ўсе цытрусавыя, ківі і гранат. Можна падзяліць іх напалам або зрэзаць толькі верхавіну, агаліўшы яркую мякаць. А каб плады не абветрыліся, вельмі шчыльна абматайце паверхню харчовай плёнкай. Можна прыкрыць кавалачак, ужо насаджаны на шпажку ці спачатку загарнуць фрукт у плёнку, а потым праткнуць яго.

Размясціць садавіну і іншыя элементы можна па-рознаму. Напрыклад, змясціць у цэнтры самы буйны або яркі плод. Калі садавіна аднолькавага памеру, размяшчайце яе так, каб розныя колеры раўнамерна размеркаваліся па букеце. Усё залежыць ад вашай фантазіі.

Калі ўся садавіна і іншыя элементы будуць сабраныя, зафіксуйце шпажкі некалькімі пластамі скотча, каб букет не распадаўся. Для надзейнасці можна прайсціся скотчам бліжэй да садавіны. Дробныя дэталі, лісце, кветкі размяшчайце там, дзе бачныя прасветы і шпажкі паміж садавінай.

Фруктовы букет упакоўваюць у паперу гэтак жа, як і звычайны кветкавы.

Перавяжыце букет вяровачкай або стужкай пад каляровую гаму кампазіцыі.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…