Вы тут

Працаваць не менш за 100 гадоў прадказваюць беларускай атамнай станцыі


Такі тэрмін прадказваюць беларускай атамнай станцыі па выніках трэцяй добраахвотнай місіі ІНІР МАГАТЭ, якая апошнія два тыдні (з 24 лютага да 4 сакавіка) працавала ў Беларусі. АЭС знаходзіцца на заключнай стадыі перад пускам. У сакавіку завершыцца «гарачая» абкатка першага рэактара — працэс, які мадэлюе работу энергаблока пры загружаных імітатарах цеплавыдзяляльных зборак замест сапраўдных. Пасля адбудзецца тэхналагічны рэгламент па рэвізіі ўсяго абсталявання, якое прайшло абкатку, і пачнецца фізічны пуск, паведаміў намеснік міністра энергетыкі Міхаіл МІХАДЗЮК.


— Супрацоўніцтва Беларусі з МАГАТЭ ў галіне развіцця ядзерна-энергетычнай праграмы пачалося з 2007 года. Тады ж наша краіна атрымала дакумент Mіlestones «Вехі», дзе апісаны 19 кірункаў па стварэнні інфраструктуры для паспяховага развіцця ядзернай энергетыкі, — расказаў намеснік міністра. — У МАГАТЭ сабраны комплекс сусветных ведаў у галіне ядзернай энергетыкі, і гэта для нас важна. Веды — тое, чаго ніколі шмат не бывае.

Работа па стварэнні інфраструктуры АЭС ацэньваецца ў цэлым станоўча. Ніякіх тэхнічных прэтэнзій да станцыі ў МАГАТЭ няма.

Ніводзін пастаўшчык не пабудуе небяспечную атамную станцыю, асабліва з улікам усіх «постфакусімскіх» мерапрыемстваў. Пакаленне «тры плюс» бяспечнае само па сабе, аднак патрабуе пэўнай падтрымкі інфраструктуры, высокай культуры бяспекі, і такія ўмовы ў краіне ёсць, падкрэсліў намеснік кіраўніка МАГАТЭ Міхаіл ЧУДАКОЎ:

— Беларусь даўно валодае адпаведнымі навуковымі рэсурсамі і кадрамі, таму пэўная інфраструктура тут існавала задоўга да пачатку будаўніцтва АЭС і цяпер працягвае развівацца і ўдасканальвацца. Персанал станцыі зможа эксплуатаваць станцыю надзейна і бяспечна ўвесь праектны тэрмін — 60 гадоў і звыш таго, цэлае стагоддзе.

Адной з асабліва станоўчых практык эксперты місій лічаць стварэнне ў 2016 годзе ўласнага вучэбна-трэніровачнага цэнтра, чым могуць пахваліцца далёка не ўсе краіны з ядзернай энергетыкай, а таксама стварэнне інстытута падрыхтоўкі маладых спецыялістаў.

Да запуску рэактара праверак Міжнароднага агенцтва ў краіне больш не будзе. Аднак Беларусь ужо пагадзілася на праверку, якая датычыцца фізічнай абароненасці станцыі. Гэтае мерапрыемства ўключаць у план МАГАТЭ на наступны год.

— Падчас далейшай работы станцыі і вываду яе з эксплуатацыі праверкі працягнуцца, бо мы валодаем цэлым шэрагам механізмаў для дапамогі станцыям, якія будуюцца і працуюць, — дадаў прадстаўнік МАГАТЭ.

Ірына СІДАРОК

Прэв'ю: politring.com

Выбар рэдакцыі

Эканоміка

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Пераможцы шостага конкурсу «Лідар энергаэфектыўнасці — 2020» сёлета ўдзельнічалі ў спаборніцтвах анлайн і гэтак жа атрымлівалі віншаванні. 

Культура

У Кіеве Уладзімір Караткевіч цудам выратаваўся ад аварыі і двойчы закахаўся

У Кіеве Уладзімір Караткевіч цудам выратаваўся ад аварыі і двойчы закахаўся

Горад, «дзе былі помнікі і прыгожыя будынкі, зялёныя бульвары і ціхія хаткі на ўскраінах, дзе быў нават універсітэт, а значыцца, існавала г

Грамадства

Прафесар Мiкалай Запрудскі: Вера ў дзiця — галоўны падарунак

Прафесар Мiкалай Запрудскі: Вера ў дзiця — галоўны падарунак

Для паспяховых школ характэрны клiмат высокiх чаканняў.