Вы тут

Васілю Раінчыку — 70!


Вядомы кампазітар і піяніст, заслужаны і народны артыст Беларусі, мастацкі кіраўнік ансамблю «Верасы» і ўтваральнік яго дзіцячай версіі «Верасяты» — 7 сакавіка Васіль Раінчык адзначае 70-гадовы юбілей. «Звязда» прапануе згадаць некалькі самых вядомых твораў Васіля Пятровіча і цікавыя факты з яго біяграфіі.


  • Ён двойчы скончыў кансерваторыю: па класу фартэпіяна — у прафесара Валерыя Шацкага (1974) і па класу кампазіцыі — у Яўгена Глебава (1981).
  • Напісаў больш 120 песень, а таксама кантату «Мальчиш-Кибальчиш» для дзіцячага хору, салістаў і сімфанічнага аркестру, балет «Крылы над Расіяй», п’есы для электронных інструментаў, музыку для спектакляў, стварыў мноства новых аранжыровак і апрацовак народных і эстрадных песень.
  • Сын Васіля Раінчыка Сяргей з малодшага школьнага ўзросту граў у «Верасах» на сінтэзатары.
  • Адным з фактаў усесаюзнага прызнання ВІА «Верасы» сталі сумесныя «рок-н-рольныя» гастролі напрыканцы 1970-х з амерыканцам Дзінам Рыдам на Байкала-Амурскай магістралі.
  • Пад мастацкім кіраўніцтвам Васіля Раінчыка ў «Верасах» працавалі Ядвіга Паплаўская, Надзея Мікуліч, Ліка Ялінская, Ірына Дарафеева, Вікторыя Алешка. Увогуле артыстамі ансамбля — выканаўцамі і музыкантамі — былі амаль 60 чалавек. 2007 года брэнд «Верасы» адроджаны ў новым фармаце.
  • З жонкай Ірынай Цвятковай яны ўзялі шлюб яшчэ ў 1971-м і застаюцца моцнай сям’ёй амаль 50 гадоў.
  • Унук Васіля Пятровіча, таксама Васіль, прымаў удзел у адным з першых для Беларусі конкурсаў «Дзіцячага Еўрабачання» ў 2005 годзе ў камандзе Ксюшы Сітнік — і дзеці прывезлі дадому перамогу! Наогул дзесяць гадоў кампазітар узначальваў журы нацыянальнага адбору на дзіцячае «Еўрабачанне».

5 хітоў ад маэстра

Калыханка («Доўгі дзень»)

Супрацоўніцтва кампазітара з паэтам Генадзем Бураўкіным аказалася настолькі плённым, што «Калыханка» вытрымала ўжо амаль 40-гадовую (!) праверку тэлеэфірам, рознымі фарматамі і некалькімі пакаленнямі слухачоў.

«Белае віно і чырвонае»

Песню на верш Уладзіміра Някляева выканала тагачасная беларуская каралева прыгажосці Ліка Ялінская, з якой Васіль Раінчык, у сваю чаргу, «зляпіў» спявачку — і для Ялінскай песня стала яркай музычнай візітоўкай, якую пазнаюць, што называецца, з першых нот.

«Караван»

У сааўтарах хіта зноў Уладзімір Някляеў, а сама песня ў ліку іншых 15-ці ўвайшла ў 1985 годзе на пласцінку «Музыка для ўсіх» — апошнюю перад ліхімі 90-мі і распадам ансамблю.

«Кахання развітальны баль»

З гэтай песняй на словы Уладзіміра Някляева «Верасы» ўдзельнічалі ў яшчэ савецкай «Песні года», але ў апошні момант для эфіру тэлевізійнае кіраўніцтва прымусіла замяніць кампазіцыю. Зрэшты, менш папулярным і любімым у публікі «Развітальны баль» ад гэтага не стаў.

«Родны мой горад»

Яшчэ адзін хіт, створаны сумесна з Уладзімірам Някляевым, у свой час стаў неафіцыйным, але ад таго не менш любімым публікай гімнам Мінска — з моманту стварэння пераспявалі практычна ўсе новыя склады «Верасоў».

Вікторыя ЦЕЛЯШУК

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.