Вы тут

Кіраўнік Адміністрацыі Прэзідэнта ўручыў пашпарты юным грамадзянам Беларусі


Напярэдадні Дня Канстытуцыі Беларусі найлепшым прадстаўнікам моладзі, якія маюць асаблівыя заслугі ў вучобе, спорце, грамадскай дзейнасці, уручаюць пашпарты ва ўрачыстай абстаноўцы.


«Пашпарт — гэта не толькі дакумент, які пацвярджае вашу асобу. Гэта дакумент, які ўказвае на прыналежнасць краіне, на тое, што за вашымі плячыма — беларускі народ. Гэта ваш першы дакумент у дарослае жыццё. А сталенне — гэта ўсведамленне таго, што вы неабходныя сваёй сям'і, сваёй малой радзіме, сваёй краіне», — звярнуўся да юных суайчыннікаў Ігар Сергеенка.

Якую б прафесію праз некалькі гадоў ні абралі хлопцы і дзяўчаты, кіраўнік Адміністрацыі Прэзідэнта пажадаў ім быць мэтанакіраванымі, добра вучыцца, знайсці сябе ў жыцці — каб перш за ўсё заставацца чалавекам і грамадзянінам, верыць у сябе і верыць у сваю Беларусь.

«За такімі вось дзецьмі — будучыня нашай краіны, і наша краіна такімі людзьмі проста прырастае. Ім ёсць кім ганарыцца: сваёй краінай, сваімі бацькамі, тымі пакаленнямі, якія заваявалі мірнае неба і свабоду, якія адстаялі незалежнасць нашай краіны ў суровыя гады Вялікай Айчыннай вайны», — сказаў журналістам Ігар Сергеенка.

Ад імя равеснікаў вучаніца Дзісненскай сярэдняй школы Міёрскага раёна Паліна ВАЛЕНЦІК і вучаніца сярэдняй школы № 15 Гродна Аляксандра ДЗМІТРЫЕВА паабяцалі справай даказаць: моладзь — годныя грамадзяне Беларусі. Дзяўчаты падарылі Ігару Сергеенку ляльку ў нацыянальным строі.

«Здорава, калі кожны разумее, што гэта надзяляе асаблівай адказнасцю ў такі ўрачысты момант, таму што ўсе дасягненні і перамогі, якія ёсць сёння ў хлопцаў і дзяўчат, — гэта сапраўды на карысць і сваёй малой радзіме, дзе яны жывуць, і ў цэлым роднай Беларусі», — адзначыў першы сакратар Цэнтральнага камітэта Беларускага рэспубліканскага саюза моладзі, член Савета Рэспублікі Нацыянальнага сходу Беларусі Дзмітрый ВАРАНЮК. Ён падкрэсліў: галоўнае, што ў нашай краіне створаны ўсе ўмовы, каб юнакі і дзяўчаты маглі развівацца.

Кожны ўдзельнік цырымоніі атрымаў у падарунак ад БРСМ дзяржаўны сцяг Беларусі і сувеніры. Для юных грамадзян таксама правялі экскурсію па Музеі сучаснай беларускай дзяржаўнасці.

Варвара Марозава

Фота БЕЛТА

Загаловак у газеце: Верыць у сябе і ў Беларусь

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.