Вы тут

Абмеркаваныя прапановы па праекце закона «Аб правах інвалідаў і іх сацыяльнай інтэграцыі»


У Палаце прадстаўнікоў абмеркавалі прапановы па праекце закона «Аб правах інвалідаў і іх сацыяльнай інтэграцыі».

Пастаянная камісія па працы і сацыяльных пытаннях рыхтуе прававы акт да першага чытання. Колькасць людзей з інваліднасцю паступова павялічваецца. На 1 студзеня 2020 года іх налічваецца больш за 572 тысяч чалавек. Па словах намесніка міністра працы і сацыяльнай абароны Аляксандра Румака, інваліднасць імі разглядаецца як з'ява сацыяльная. Таму акцэнт робіцца на сацыяльным забеспячэнні патрабаванняў людзей з інваліднасцю і інклюзіі.


Законам будуць вырашаны такія значныя пытанні, як замацаванне парковачных месцаў для людзей з інваліднасцю, абсталяванне даступнага асяроддзя ў жылых дамах і ўстановах, куды яны звяртаюцца па аказанне паслуг. «Шмат увагі ўдзяляецца таксама забеспячэнню права на працу для людзей з інваліднасцю. Нельга падзяляць правы людзей з інваліднасцю па ступені важнасці, але ўсё ж такі забяспечыць права на працу для чалавека з інваліднасцю, які жадае працаваць, — гэта абавязак усіх дзяржаўных структур, якія займаюцца гэтымі пытаннямі», — сказаў Аляксандр Румак.

Сёння з дапамогай органаў улады занятыя каля 60 працэнтаў людзей з інваліднасцю працаздольнага ўзросту і тых, хто мае магчымасць працаваць згодна з рэкамендацыямі МРЭК. Дзякуючы садзейнічанню органаў па працы і занятасці, сацыяльнай абароны штогод рабочыя месцы атрымлівае каля 40 працэнтаў інвалідаў, што звяртаюцца з гэтай мэтай. Арганізацыям, зацверджаным грамадскімі аб'днаннямі інвалідаў, і іншым, што маюць у складзе 30 і больш працэнтаў людзей з інваліднасцю, дадзены шэраг ільгот у эканамічнай сферы. Як адзначыў намеснік міністра, гэтая норма пацвярджае, што ў Беларусі рэалізуюцца правы людзей з інваліднасцю на працу і сістэма садзейнічання іх працаўладкаванню пастаянна ўдасканальваецца. Наша краіна далучэннем да Канвенцыі аб правах інвалідаў і яе ратыфікацыяй узяла на сябе абавязкі па выкананні міжнародных нормаў ў адносінах да такіх людзей.

Удзельнікамі пашыранага пасяджэння Пастаяннай камісіі па працы і занятасці былі прадстаўнікі кіраўніцтва і структурных падраздзяленняў разнастайных міністэрстваў — архітэктуры і будаўніцтва, працы і сацыяльнай абароны, жыллёва-камунальнай гаспадаркі, аховы здароўя, інфармацыі, адукацыі, транспарту і камунікацый. Запрасілі да ўдзелу і грамадскія аб'яднанні інвалідаў: Беларускае таварыства інвалідаў па зроку, Беларускую асацыяцыю дапамогі дзецям-інвалідам і маладым інвалідам, Беларускае таварыства інвалідаў, Беларускае таварыства глухіх, Рэспубліканскую асацыяцыю інвалідаў-калясачнікаў.

Старшыня Цэнтральнага праўлення Беларускага таварыства інвалідаў Уладзімір Патапенка расказаў пра пажаданні па ўдасканаленні закона і міжнародны вопыт у сферы работы органаў дзяржаўнага кіравання з інвалідамі. Так, сярод прапаноў людзей з інваліднасцю стварэнне органа, дэпартамента ці абудсмена пры Адміністрацыі Прэзідэнта, які б кантраляваў работу з інвалідамі, магчымасць заснаваць цэнтры рэабілітацыі і абілітацыі ўсіх формаў уласнасці.

Дарэчы, працаваць над законапраектам пачаў яшчэ мінулы склад дэпутатаў. Паслядоўнікі працягнулі дзейнасць. З палажэннямі закона былі азнаёмлены зацікаўленыя амаль ва ўсіх выбарчых акругах.

Марыя ДАДАЛКА

Прэв'ю: podrobnosti.ua

Загаловак у газеце: Роўныя правы і асаблівыя магчымасці

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.