Вы тут

Мiжнародная федэрацыя хакея адмянiла чэмпiянаты свету ў групах А i В


Турнiры планавалася правесцi з 27 красавiка да 3 мая ў Славенii i Польшчы. Рашэнне па форуме ў элiце афiцыйна яшчэ не прынята, аднак вiцэ-прэзiдэнт IIХФ Калерва Кумола заявiў, што чэмпiянат свету — 2020 не будзе згуляны ў маi ў Швейцарыi. «Мы яшчэ чакаем афiцыйнага рашэння швейцарскiх улад, але ясна, што чэмпiянат свету сапраўды не будзе згуляны ў маi. IIХФ вырашае дзелавыя пытаннi са страхавымi кампанiямi. Калi ўсё будзе вызначана, зробяць афiцыйную заяву».


«Магу дакладна сказаць, што мы не будзем пераносiць чэмпiянат свету, як гэта зрабiла УЕФА з чэмпiянатам Еўропы. Пераносiць яго са Швейцарыi няма сэнсу, таму што праблема каранавiруса ёсць усюды. У мяне практычна няма сумненняў у тым, што мы не зможам правесцi турнiр, гэта вельмi сумна», — заявiў, у сваю чаргу, кiраўнiк IIХФ Рэнэ Фазэль.

У свеце адменена або перанесена ўжо больш за 100 спартыўных спаборнiцтваў, у тым лiку чэмпiянат Еўропы па футболе, камандны чэмпiянат свету па спартыўнай хадзе, адборачныя турнiры да Алiмпiяды-2020.

Мiжнародны алiмпiйскi камiтэт правёў кансультацыi з мiжнароднымi федэрацыямi па вiдах спорту i апублiкаваў афiцыйнае камюнiке. У МАК лiчаць сiтуацыю з распаўсюджваннем каранавiруса беспрэцэдэнтнай. Мiжнародны алiмпiйскi камiтэт салiдарны з усёй сусветнай супольнасцю i прымае неабходныя меры, каб спынiць распаўсюджванне iнфекцыi. Сiтуацыя вакол вiруса COVID-19 таксама ўплывае на падрыхтоўку да Алiмпiйскiх гульняў у Токiа-2020 i змяняецца кожны дзень. Але МАК па-ранейшаму адданы мэце правесцi спаборнiцтвы ў Токiа ў 2020 годзе. З улiкам таго, што да Гульняў застаецца больш за чатыры месяцы, яго кiраўнiкi лiчаць, што няма неабходнасцi прымаць нейкiя радыкальныя рашэннi на гэтым этапе i любыя спекуляцыi ў цяперашнi момант былi б контрпрадукцыйныя. МАК заклiкае ўсiх спартсменаў працягваць рыхтавацца да Алiмпiяды.

На падставе рэкамендацый Мiнiстэрства аховы здароўя Беларусi, накiраваных на процiдзеянне распаўсюджвання каранавiруса COVID-19, Мiнiстэрства спорту i турызму прымае меры па забеспячэнні кантролю за правядзеннем спартыўных i спартыўна-масавых мерапрыемстваў на тэрыторыi нашай краiны. У прыватнасцi, усiм арганiзацыям, падпарадкаваным Мiнспорту, а таксама абласным i Мiнскаму гарадскому ўпраўленням спорту i турызму рэкамендавана да 6 красавiка адмянiць правядзенне з наступным пераносам на пазнейшыя тэрмiны спартыўных i спартыўна-масавых мерапрыемстваў з удзелам дзяцей i падлеткаў. Рэкамендацыi распаўсюджваюцца i на мiжнародныя спартыўныя спаборнiцтвы на тэрыторыi Беларусi.

Ва ўзаемадзеяннi з Мiнiстэрствам аховы здароўя арганiзаваныя каранцiнныя мерапрыемствы i медыцынскае назiранне за спартсменамi i спартыўнымi дэлегацыямi, якiя вяртаюцца з краiн з павышанай рызыкай iнфiцыравання COVID-19. Па прыбыццi ў Беларусь у пунктах пропуску цераз дзяржаўную гранiцу члены дэлегацыi падлягаюць санiтарна-каранцiннаму кантролю з выкарыстаннем прылад для дыстанцыйнага вымярэння тэмпературы цела, запаўненнем «Анкеты прыбылага», лабараторным абследаваннем на iнфекцыю COVID-19. За iмi ўсталёўваецца бесперапыннае 14-дзённае медыцынскае назiранне ў месцах часовага размяшчэння. Пры гэтым адмоўны вынiк лабараторнага даследавання не адмяняе 14-дзённага медыцынскага назiрання.

Дар'я ЛАБАЖЭВІЧ

Загаловак у газеце: Спорт на паўзе

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.