Вы тут

МЗС дапамог вярнуцца на радзіму больш чым 1700 грамадзянам Беларусі


Увядзенне шэрагам краін свету жорсткіх абмежавальных мер па ўезду замежнікаў справакавала складаную сітуацыю з вяртаннем на Радзіму грамадзян Беларусі, якія едуць транзітам, адзначыў начальнік упраўлення інфармацыі і лічбавай дыпламатыі МЗС Беларусі Анатоль Глаз.


З моманту пачатку вострай фазы па стане на сённяшні дзень МЗС і беларускімі замежнымі ўстановамі аказаны рознапланавае садзейнічанне з вяртаннем дадому больш за 1 700 грамадзянам нашай краіны. Гэтая лічба не ўлічвае шматлікія звароты па лініі пасольстваў Беларусі ў Расіі і ва Украіне. Толькі за сераду, апроч іншага, удалося забяспечыць вяртанне з тэрыторыі Літвы групы, якая складалася больш чым з 400 беларускіх дзяцей і суправаджаючых іх дарослых, якія праходзілі рэабілітацыю ў санаторыі «Друскінінкай». На асаблівым кантролі знаходзіцца сітуацыя з вяртаннем групы беларускіх грамадзян з санаторыя ў Юрмале. Гаворка ідзе пра 136 беларускіх дзяцей і суправаджаючых іх асобах.

У бліжэйшым фокусе ўвагі беларускіх дыпмісій знаходзіцца яшчэ парадку 1200 беларускіх грамадзян. Гэта не колькасць беларусаў, якія знаходзяцца за мяжой, а ацэначная колькасць тых, каму садзейнічанне можа спатрэбіцца ў бліжэйшы час.

Яшчэ парадку 1100 грамадзян Беларусі знаходзяцца за мяжой па лініі толькі беларускіх турыстычных аператараў, у тым ліку ў далёкіх краінах. Вялікая колькасць нашых суайчыннікаў знаходзіцца ў Егіпце.

Сітуацыя застаецца складанай, разам з тым крытычных момантаў, звязаных з пагрозай жыццю грамадзян, на сённяшні дзень не адзначана. Праца вядзецца ў шчыльным кантакце з усімі зацікаўленымі дзяржаўнымі органамі Беларусі, ажыццяўляецца шчыльнае ўзаемадзеянне з ААТ «Белавія».

Разгорнутая афіцыйная інфармацыя па дэталёваму парадку транзітнага пропуску грамадзянаў Беларусі праз паветраныя пункты пропуску на тэрыторыі Расіі ў МЗС да цяперашняга моманту не паступала. Працягваецца праца над пошукам варыянтаў вырашэння сітуацыі, звязанай з адмовай расійскіх авіяліній ўзяць на борт беларускіх турыстаў з Гоа і Шры-Ланкі.

У гэтай сувязі ведамства настойліва раіць устрымацца ў дадзены перыяд ад замежных паездак.

Прэв'ю: belarus.by

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.